Ադելի Hello տեսահոլովակը 1 մլրդ դիտում է հավաքել 87 օրում և գերազանցել ռեփեր PSY-ի ռեկորդը
Գիտություն և Մշակույթ
Բրիտանացի երգչուհի Ադելը ռեկորդ է սահմանել՝ YouTube տեսահոսթինգում տեսահոլովակի 1 մլրդ դիտում հավաքելու արագությամբ՝ առաջ անցնելով հարավկորեացի ռեփեր Պակ Չժե Սանից (PSY, Սայ), տեղեկացնում է «Արմենպրես»-ը:
Ինչպես հունվարի 21-ին հայտնել է YouTube-ի օպերատորը, անգլուհու Hello հոլովակն այդ ցուցանիշին հասել է 87 օրվա ընթացքում: Նախորդ ռեկորդը սահմանել էր PSY-ն: Նրա ամենահայտնի տեսահոլովակը՝ Gangnam Style-ը, 1 միլիարդ դիտումների նշագծին հասել է 158 օրվա ընթացքում: Այժմ այդ ցուցանիշը YouTube-ում գերազանցում է 2,5 մլրդ դիտումը:
Տեսահոսթինգի միլիարդատերերի կոհորտան համալրվել է նաև Maroon 5 խմբի "Sugar", դիջեյ Diplo-ի "Lean On", OneRepublic ամերիկյան ռոք-խմբի "Counting Stars" և ամերիկացի երգչուհի Sia-ի "Chandelier" տեսահոլովակներով, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
