ՀՀ ֆիննախի պարզաբանումը՝ Պավել Սաֆարյանի հարցազրույցի առնչությամբ

ՀՀ ֆինանսների նախարարի առաջին տեղակալ Պավել Սաֆարյանը 2016 թվականի հունվարի 20-ին հարցազրույց է տվել մի շարք լրատվամիջոցների ներ­կայացուցիչներին, որի շրջանակներում անդրադարձ է կատարվել նաև ՌԴ կողմից ՀՀ-ին տրամադրվելիք վարկային միջոցներին: Այդ առնչությամբ ՀՀ ֆինանս­ների նախարարությունը տեղե­կացնում է, որ փոխնախարարը նկատի է ունե­ցել ոչ թե Հայաստանի Հանրա­պե­տության և Ռուսաստանի Դաշնության միջև արդեն իսկ կնքված համա­ձայ­նա­գրերով նախատեսված վարկերը, այլ նոր կնքվելիք համա­ձանագրերով ՌԴ-ի կողմից ստանձնվելիք պարտավորությունները: Այս մասին տեղեկացնում են ՀՀ ֆինանսների նախարարության տեղեկատվության և հասարակայնության հետ կապերի բաժնից:

Ինչ վերա­բերում է 2015թ. ընթաց­քում ստորագրված՝ Հայկական ատոմակայանի վերականգն­ման և Պետական արտահանման վարկերի տրամադրման համաձայնագրերին, ապա դրանց հետ կապ­­ված բոլոր տեխնիկական հար­ցերը լուծված են, և առաջի­կայում սպասվում է նշված վարկերի տրամադրումը: