Անի Ամիրաղյանը հաղթել է Անթալիայում ընթացող կանանց թենիսի միջազգային մրցաշարի երկրորդ մրցաշրջանում

Թուրքիայի Անթալիա քաղաքում ընթացող կանանց թենիսի CORAL TRAVEL CUP WOMEN’S միջազգային մրցաշարի երկրորդ մրցաշրջանում Հայաստանի թիվ 1 ռակետ, ՀՀ բազմակի չենպիոնուհի Անի Ամիրաղյանի մենախաղում կրկին հաղթանակ է տոնել: Ինչպես «Արմենպրես»-ին տեղեկացրեց Հայաստանի թենիսի ազգային ֆեդերացիայի մրցավարական գծով կոորդիանատոր Արսեն Մովսիսյանը, 22-ամյա Ամիրաղյանը 6:1, 7:5 հաշվով հաղթել է Հունգարիան ներկայացնող Ագնես Բուկտային:

Երրորդ մրցափուլում հայ թենիսիստուհու մրցակիցը բուլղարացի Վիկտորիա Տոմովան է լինելու: Րոպեներ առաջ ավարտվել է զուգախաղի երկրորդ մրցափուլը: Այստեղ Ամիրաղյան-Կուլիովա զույգը 6:4, 6:3 հաշվով պարտվել է Մակեդոնիան եւ Ռումինիան ներկայացնող Լին Գիորչիկա եւ Իոաննա Լորետա Ռասկա զույգին:

CORAL TRAVEL CUP WOMEN’S միջազգային մրցաշարի մրցանակային հիմնադրամը 10 հազար դոլար է: Մրցաշարը կշարունակվի մինչեւ հունվարի 24-ը, մասնակցության հայտ են ներկայացրել ավելի քան 30 թենիսիստուհիներ: