«Ալ Քաիդա»-ի զինյալները շվեյցարացի միսիոներուհուն «ջիհադիստ միանձնուհու» են վերածել

«Ալ-Քաիդան իսլամական Մագրիբի երկրներում» ահաբեկչական կազմակերպության գրոհայինները մի տեսանյութ են հրապարակել, որում պատկերված է շվեյցարացի միսիոներուհին, որը Մալիի հյուսիսում առևանգվել է հունվարին, հաղորդում է Dailymail-ը:

Տեսանյութում ահաբեկիչները բացատրում են, որ պատանդ են վերցրել Բեաթրիս Սթոքլի անունով կնոջը, քանի որ նա քրիստոնեական ուսմունքներ էր տարածում: Հանդիսատեսի առջև Սթոքլին հայտնվում է սև հիջաբի մեջ՝ գրառումներով պաստառների ֆոնի վրա:

Ահաբեկիչները հաղորդում են նաև կնոջն ազատելու պայմանները: Նրանց խոսքով՝ դա տեղի կունենա այն դեպքում, եթե ազատ արձակվի ոմն Ահմադ ալ-Ֆաքի ալ-Մահդին, որը գտնվում է Միջազգային քրեական դատարանի կալանքի տակ: