Դատարանի որոշմամբ Նեյմարը ստիպված է 100 հազար եվրո վճարել

Կատալոնյան «Բարսելոնայի» ֆուտբոլիստ Նեյմարը և իր հայրը ստիպված են 100 հազար եվրո վճարել 2007-2008թթ-ին չվճարված հարկերի մարման դիմաց:

Նման որոշում կայացրել է Սան Պաուլու քաղաքի դատարանը: Այս մասին տեղեկացնում է Marca-ն: Ֆուտբոլիստը փորձել է բողոքարկել որոշումը, սակայն մերժվել է:

Նեյմարը և իր հայրը պնդում են, որ այն գումարները, որոնց մասին է խոսքը, չեն կարող համարվել իրենց եկամուտի մի մասը, քանի որ գումարը տրվել է NR Deportes ընկերությանն, այլ ոչ թե անմիջապես խաղացողին: