Հնդիկ գործարարը հարսանիքի է հրավիրել 18 հազար այրիների

Հդկաստանի Մեհսան քաղաքից բիզնեսմեն Ջիթենդրա Պատելը կրտսեր որդու՝ Ռավիի հարսանիքին հրավիրել Է 18 հազար այրիների, հաղորդում է The Times of India-ը:

Հանդիսավոր արարողությունը տեղի Է ունեցել Հուջարաթի նահանգի Հիմաթնագար քաղաքից ոչ հեռու գտնվող Դերոլ գյուղում: Այս բնակավայրը հայտնի Է բազմաթիվ հին տաճարներով: Պատելը, որը հայրենի քաղաքում ավելի շատ հայտնի Է որպես Ջիթուբհայի («Ջիթուի բարեկամ»), բացատրել Է, որ, հրավերներ ուղարկելով այրիներին, ինքը որոշել Է մարտահրավեր նետել նախապաշարմունքներին. «Ես ամբողջ սրտով ցանկանում Էի, որ այս ամուսնական զույգին օրհնեն հենց այրիները, ովքեր մերժված են հասարակության կողմից: Տոներին նրանց ներկայությունը համարվում Է վատ նախանշան. բայց դա ավելին չէ, քան սնահավատությունը»:

Այրիներից յուրաքանչյուրը փեսացուի երջանիկ հորից վերմակ Է նվեր ստացել, ինչպես նաեւ ծառի տնկի՝ պայմանով, որ այրիները դրանք տնկեն իրենց բանջարանոցում եւ հոգատարությամբ խնամեն դրանք: Դեռ ավելին, Պատելը չքավոր ընտանիքների 500 այրիների կթի կով Է նվիրել: