Դևիդ Բոուին կնոջը և երեխաներին 100 միլիոն դոլար է թողել

Տարեսկզբին քաղցկեղից մահացած բրիտանացի երաժիշտ Դևիդ Բոուին կնոջը' Իմանին և երկու երեխաներին թողել է 100 միլիոն դոլար գնահատվող կարողությունը: Ինչպես տեղեկացնում է New York Daily News-ը, այս մասին հայտնի է դարձել նրա կտակեց: Նա նաև 2 միլիոն դոլար է կտակել իր երկարամյա օգնական Կորին Շվաբին և 1 միլիոն դոլար' որդու դայակ Մարիոն Սկենեին։

Gazeta.ru-ն հավելում է, որ Բոուիի ցանկությունն է եղել, որ մահից հետո իր աճյունի մոխիրն, ըստ բուդդայական ծիսակարգի, շաղ տան Բալի կղզու վրա։