Սիրիական զորքերը հարձակման են անցել Հալեպից հյուսիս ընկած շրջանում
Աշխարհ
Սիրիական բանակի մարտիկները հարձակման են անցել Հալեպից (Դամասկոսից 360 կիլոմետր հեռավորության վրա) հյուսիս ընկած շրջանում, տեղեկացնում է «Արմենպրես»-ը՝ հղում անելով «Ալ Մայադին» հեռուստակայանին: Ըստ նրա տեղեկատվության, զորքերը սրընթաց մոտենում են շիաներով բնակեցված Նոբուլ և Էզ Զահրա քաղաքներին, որոնք շրջապատված են անօրինական կազմավորումների կողմից: Մարտեր են ծավալվել դրանց հարևան Հարդաթնեյն և Ռատիան բնակավայրերի համար:
Ըստ «Ալ Մայադին»-ի տեղեկությունների, գործողության ընթացքում սպանվել է առնվազն 30 ահաբեկիչ:
Փետրվարի 1-ին սիրիացի զինծառայողները հանգուցային դիրքեր են գրավել Թել Ջբեյն և Դվեյր Էզ Զեյթուն գյուղերի մոտ՝ Հալեպի հյուսիսում փակելով հակառակորդի մատակարարման ուղիները:
Կառավարական բանակի՝ դեպի Թուրքիայի հետ սահման առաջխաղացման սպառնալիքը, որը գտնվում է 15-20 կիլոմետր հեռավորության վրա, խուճապ է առաջացրել զինյալների շարքերում: Սահմանամերձ Աազազ քաղաքում, որտեղ գտնվում է նրանց թիկունքային բազան, համատարած մոբիլիզացում է հայտարարված: Հալեպից հյուսիս սիրիական զորքերին դիմակայում են 20-ից ավելի զինված խմբավորումներ, որոնք մտնում են ««Ջեյշ աշ Շամ» թուրքամետ կոալիցիայի մեջ, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
