Ջուլիան Ասանժը պատրաստ է հանձնվել բրիտանական ոստիկանությանը
Աշխարհ
WikiLeaks կայքի hիմնադիր Ջուլիան Ասանժը հայտարարել է, որ պատրաստ է հանձնվել Մեծ Բրիտանիայի ոստիկանությանը: Դա տեղի կունենա այն դեպքում, եթե ՄԱԿ-ի աշխատանքային խումբը, որը քննարկում է Ասանժի բողոքը, որոշում կայացնի ոչ նրա օգտին: Այդ մասին նա հայտնել է Twitter-ում:
«Եթե ՄԱԿ-ը վաղը հայտարարի, որ ես պարտվել եմ Մեծ Բրիտանիայի և Շվեդիայի դեմ դատական գործում, ես ուրբաթ օրը կեսօրին դուրս կգամ դեսպանատնից, որպեսզի ընդունեմ կալանքը բրիտանական ոստիկանության կողմից, քանի որ հետագա բողոքարկման լուրջ հեռանկար չկա»,- գրել է նա:
Իսկ եթե իր անմեղությունը ճանաչվի ՄԱԿ-ի կողմից, Ասանժին կվերադարձնեն անձնագիրն ու կդադարեցնեն ձերբակալման ցանկացած փորձ:
2012 թվականի հունիսից ի վեր Ասանժը թաքնվում է Լոնդոնում գտնվող Էկվադորի դեսպանատանը: Նա ապաստան է խնդրել, որպեսզի խուսափի Շվեդիային արտահանձնումից, որտեղ նա հետախուզվում է՝ բռնաբարության մեջ մեղադրանքների հետ կապված: Ինքը՝ Wikileaks-ի հիմնադիրը բազմիցս հերքել է այդ մեղադրանքները:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
