«Բորուսիայի» ֆուտբոլիստը շարքից դուրս եկավ երեք շաբաթով

Դորտմունդի «Բորուսիան» առաջիկա երեք շաբաթվա ընթացքում չի կարողանա հույս դնել թիմի պաշտպան Սոկրատիսի վրա: Ֆուտբոլիստը կբացակայի վնասվածքի պատճառով: Այս մասին տեղեկացնում է գերմանական ակումբի թվիթերյան միկրոբլոգը:

Սոկրատիսը վնասվածքը ստացել է Գերմանիայի առաջնության 22-րդ տուրում՝ Լևերկուզենի «Բայերի» դեմ հանդիպմանը: Խաղի 77-րդ րոպեին խաղացողը փոխարինվել է, նրա մոտ մկանային վնասվածք է:

Ընթացիկ մրցաշրջանում Սոկրատիսը մասնակցել է Բունդեսլիգայի 19 խաղի և դարձել մեկ գոլի հեղինակ: