Բրիտանացի պատգամավոր Ջո Քոքսին կրակած տղամարդու դեմ ներկայացվել է սպանության մեղադրանք
Աշխարհ
Ոստիկանությունը սպանության մեղադրանք է ներկայացրել 52-ամյա Թոմաս Մեյրի դեմ, որը կրակել է բրիտանացի պատգամավոր Ջո Քոքսին: Այս մասին հաղորդվում է Ուեսթ Յորքշիր կոմսության ոստիկանության կայքում՝ փոխանցում է lenta.ru-ն:
Շաբաթ օրը Մեյրը պետք է կանգնի Վեսթմինսթերի (Լոնդոն) դատարանի առջև:
Հունիսի 16-ին Մեյրը 3 անգամ ինքնաշեն ատրճանակով կրակել է 41-ամյա Քոքսին, ընդ որում՝ մեկը դեմքին, և բացականչել է. «Ամենից առաջ՝ Բրիտանիա»: Դա ուլտրաաջ համանուն կուսակցության կարգախոսն է՝ հայտնի իր հակամիգրացիոն ակցիաներով և մուսուլմանների վրա հարձակումներով, ինչպես նաև ԵՄ կազմից դուրս գալու օգտին քարոզչությամբ:
Իրավապահները չեն բացառում, որ հարձակումը կապված է եղել Քոքսի դիրքորոշման հետ: Վերջինս կողմ է, որ Մեծ Բրիտանիան մնա ԵՄ կազմում:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
