Ռուսաստանը կպատասխանի Արևմուտքի քայլերին՝ չնայած կմեղադրվի ագրեսիայի համար. Պուտին

Ռուսաստանը ստիպված կլինի պատասխանել Արևմուտքի քայլերին՝ չնայած այն բանին, որ նրան կմեղադրեն ագրեսիվ վարքի համար, պետք է ապահովել ռազմավարական հաշվեկշիռը՝ հայտարարել է Ռուսաստանի նախագահ Վլադիմիր Պուտինը։ Այս մասին հայտնում է ՌԻԱ «Նովոստի»-ն:

«Ես հստակ գիտեմ, որ մենք ստիպված կլինենք պատասխանել։ Սակայն ես արդեն նախապես գիտեմ, որ մեզ կմեղադրեն ագրեսիվ վարքի մեջ՝ չնայած դա կլինի միայն պատասխան։ Սակայն պարզ է, որ մենք պետք է ապահովենք անվտանգությունը։ Ոչ միայն մեր։ Մեզ համար շատ կարևոր է աշխարհում ռազմավարական հավասարակշռությունը պահելը»,- ասել է Պուտինը։

«Հենց ռազմավարական հաշվեկշիռն է մոլորակի վրա ապահովել երաշխավորված խաղաղություն»,- հավելել է նա։