ՀԱՍԱԿ-ի նախագահի էմոցիոնալ ելույթը և անդրադարձը «Սասնա ծռերի» գործողություններին (տեսանյութ)

Այսօր Հայաստանում հիմնադրվեց Հանուն սոցիալական արդարության՝ ՀԱՍԱԿ նոր կուսակցությունը, որի գաղափարախոսությունը սոցիալ-պահպանողական է: Կուսակցության նախագահ ընտրված Արման Ղուկասյանը թեպետ ելույթի համար տեքստ էր պատրաստել, բայց այն մի կողմ դնելով, սկսեց, իր բնորոշմամբ, էմոցիոնալ ելույթ ունենալ: 

«Մենք չենք ստեղծել կուսակցություն, որպեսզի մասնակցենք ընտրություններին, զբաղեցնենք մեր տեղը խորհրդարանում և մոռանալ մեր խոստումների մասին: Մենք չենք փորձում գնալ ինչ-որ քաղաքական շահերի կամ PR-ի հետևից, չկան հովանավորներ, որ մեզ «դաբրոներ» են տվել, բայց վերջին իրադարձությունները՝ (խմբ. կապված «Սասնա ծռեր» խմբի կողմից ՊՊԾ գնդի գրավումը) ցույց են տվել, որ եկել է փոփոխությունների ժամանակը, ուշացած են փոփոխությունները, բայց եթե այդ փոփոխությունները չկայանան, տեսնելու ենք նոր ճակատագրերի ապագայի փլուզում»,- իր ելույթում ասաց կուսակցության նախագահը: 

Նշենք նաև, որ այս կուսակցության համագումարին հրավիրված են եղել Ռուսաստանի, Բելոռուսի, Ղազախստանի դեսպանները, տեխնիկական խնդիրների պատճառով հրավեր չեն կարողացել ուղարկել Ֆրանսիայի դեսպանին, բայց ցանկությունն ունեցել են նրան ընդունել, սակայն դեսպաններից ոչ մեկ իր ներկայությամբ այդպես էլ չի պատվել համագումարը: 

Հավելենք նաև, որ համագումարին ներկա չէին նաև տեղի քաղաքական ուժերի ներկայացուցիչները, կուսակցականները մտավախություն են ունեցել, որ լրագրողները իրենց կկապեին որպես հյուր եկած քաղաքական գործիչների հետ:

Հիշեցնենք, որ Արման Ղուկասյանը «Հանուն օրենքի» շարժման անդամ է, որը ընդգծված լավ վերաբերմունք ունի առ ԵՏՄ-ն:

ՀԱՍԱԿ-ի քաղաքական խորհրդի անդամ Սևան Աղաջանյանի ելույթը.