«Զվարթնոց» օդանավակայանի ճանապարհին մահվան ելքոբ ՃՏՊ է տեղի ունեցել
Հասարակություն
ՀՀ արտակարգ իրավիճակների նախարարությունն օգոստոսի 10-ին, ժամը 13.01-ին ահազանգ է ստացել, որ Երևանի Իսակովի պողոտայից «Զվարթնոց» օդանավակայան գնացող ճանապարհին տեղի է ունեցել ՃՏՊ՝ ավտոմեքենան բախվել է գազի խողովակին և շրջվել, գազի խողովակից առկա է արտահոսք հրդեհի բռնկումով. անհրաժեշտ է օգնություն։
Դեպքի վայր են մեկնել երկու մարտական հաշվարկ և ճգնաժամային կառավարման ազգային կենտրոնի օպերատիվ խումբը:
Ինչպես տեղեկանում ենք ՀՀ արտակարգ իրավիճակների նախարարության պաշտոնական կայքից, պարզվել է, որ Արմավիրի մարզի Փարաքար գյուղի Իսահակ Գասպարյան փողոցի թիվ 24 տան մոտակայքում «Toyota Aristo» մակնիշի NN-039-TT պ/հ (վարորդ Արկադի Բուդանո, ծնվ. 1979թ.) ավտոմեքենան դուրս է եկել ճանապարհի երթևեկելի մասից, բախվել է ճանապարհի երկաթյա արգելապատնեշին, այնուհետև գազի խողովակին, բետոնյա էլ.սյանը և շրջվել. վարորդը տեղում մահացել է, իսկ մինչ հրշեջ-փրկարարների կանչի վայր հասնելը՝ ուղևորը (Միչադիմ, ծնվ. 2000 թ.) տեղափոխվել է «Սբ. Աստվածամայր» ԲԿ, որտեղ բժիշկները տուժածի առողջական վիճակը գնահատել են բավարար:
Փրկարարներն Ա.Բուդանոյի դին մոտեցրել են շտապօգնության ավտոմեքենային, այնուհետև իրականացրել են վառելիքաքսուկային նյութերից ճանապարհի լվացման աշխատանքներ:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
