Տորոնտոյի կինոփառատոնի շրջանակներում կայացել է Հայոց ցեղասպանության մասին ֆիլմի պրեմիերան

Տորոնտոյի միջազգային կինոփառատոնի շրջանակներում կայացել է Հայոց ցեղասպանության մասին «Խոստումը» ֆիլմի պրեմիերան: Ինչպես հայտնում է ET Canada-ի ֆեյսբուքյան էջը, ֆիլմի պրեմիերային մասնակցել են գլխավոր դերակատարներ Քրիստիեն Բեյլը, Օսկար Այզեքը, Շառլոթ Լը Բոնը: Ֆիլմի պրեմիերային ներկա է եղել նաև Քրիստիան Բեյլի կինը՝ Սիբի Բլեյզիկը:

ֆիլմի նկարահանման ծախսերը հոգացել է աﬔրիկահայ գործարար, միլիարդատեր Քըրք Քըրքորյանը, ինչի մասին հայտնի է դարձել նրա մահվան օրը: Ֆիլմը նկարահանում է «Survival Pictures» կինոընկերությունը: Փառատոնի կազմակերպիչները հայտնել են, որ «Խոստումը» կցուցադրվի սեպտեմբերի 11-ին' որպես փառատոնի հանգստյան օրերի ամենասպասված ֆիլմերից մեկը: Ֆիլմի ստեղծողը «Ռուանդա հյուրանոց» ֆիլմի ռեժիսոր Թերրի Ջորջն է, գլխավոր դերում ներկայացված են աստղեր Օսկար Այզեքը, Քրիստիան Բեյլը և Շարլոտ Լե Բոնը:

Մայքլը հաﬔստ հայ դեղագործ է, ով թողել է իր գյուղն ու գնացել Կոստանդնուպոլիս' ուսուﬓասիրելու բժշկություն: Քրիսը աﬔրիկացի ֆոտոլրագրող է, ով եկել է այդ երկիր, որպեսզի մասնակիորեն լուսաբանի աշխարաքաղաքական հարցեր, և հարաբերությունների ﬔջ է տաղանդավոր Անայի հետ' Փարիզում սովորած հայ նկարչուհի: Երբ Մայքլը հանդիպում է Անային, նրանց ընդհանուր ժառանգական հիշողությունը կայծ է առաջացնում ու Անան դառնում է մրցակցության պատճառ երկու տղամարդկանց ﬕջև: Երբ թուրքերն Առաջին աշխարհամարտի ժամանակ միանում են գերմանացիներին ու դաժանաբար ոչնչացնում Օսմանյան կայսրության սահմաններում ապրող փոքրամասնություններին, չնայած առկա կոնֆլիկտին' յուրաքանչյուրը պետք է ելք փնտրի փրկվելու համար: