Ոստիկանությունում նյութեր են նախապատրաստվում

ՀՀ ոստիկանությունն ամփոփ տեղեկատվություն է ներկայացրել ՏԻՄ ընտրությունների ընթացքում ոստիկանությունում ստացված ընտրախախտումների վերաբերյալ հաղորդումների և տեղեկություների քննարկման արդյունքների մասին (հոկտեմբերի 2-ի ժամը 16.30-ի դրությամբ)։

Այս մասին տեղեկացրին ՀՀ ոստիկանության հասարակայնության հետ կապերի և լրատվության վարչությունից, որի հաղորդագրության մեջ նշված է.

«ՀՀ Լոռու, Շիրակի, Կոտայքի, Գեղարքունիքի, Վայոց ձորի և Սյունիքի մարզերում ՏԻՄ ընտրությունների նախընտրական և քվեարկության օրը ստացվել է տարբեր բնույթի 53 տեղեկատվություն, որից՝

Ըստ փուլերի

Քարոզչության ընթացքում – 5
Քվեարկության օրը- 48

Ըստ տարածքների

1. Շիրակի մարզ - 6
2. Լոռու մարզ - 20
3. Գեղարքունիքի մարզ - 8
4. Վայոց ձորի մարզ - 1
5. Սյունիքի մարզ - 0
6. Կոտայքի մարզ - 18

Ստացված հաղորդումների հիման վրա նախապատրաստվում է 53 նյութ:

Հիշեցնում ենք, որ ստիկանությունը օրվա ընթացքում պարբերաբար ամփոփ տեղեկատվություն կտրամադրի ՏԻՄ ընտրությունների ընթացքում արձանագրված խախտումների վերաբերյալ ստացված ահազանգերի, դրանց ստուգման և արդյունքների մասին:

Կրկին կոչ ենք անում խախտումների դեպքում անհապաղ դիմել ոստիկանության բաժին-բաժանմունքներ կամ ընտրատեղամասում ծառայություն կատարող ոստիկանին:
Հիշեցնում ենք, որ բոլոր ահազանգերով կատարվում են ստուգումներ, որոնց մասին հանրությունը կիրազեկվի»: