Արփինե Հովհաննիսյանը կմեկնի Իտալիա՝ մասնակցելու Վենետիկի հանձնաժողովի նիստին

ՀՀ արդարադատության նախարար Արփինե Հովհաննիսյանը կմեկնի Իտալիայի հանրապետություն՝ հոկտեմբերի 13-16-ը մասնակցելու Վենետիկի հանձնաժողովի 108-րդ լիագումար նիստին։ Այս մասին տեղեկանում ենք Կառավարության կայքից։

«Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով uահմանված կարգի 121-րդ կետի 3-րդ ենթակետի՝

1. Հայաստանի Հանրապետության արդարադատության նախարար Արփինե Հովհաննիսյանին 2016 թվականի հոկտեմբերի 13-16-ը գործուղել Իտալիայի Հանրապետություն (Վենետիկ)՝ «Ժողովրդավարություն՝ իրավունքի միջոցով» եվրոպական հանձնաժողովի (Վենետիկի հանձնաժողով) 108-րդ լիագումար նիստին մասնակցելու համար:

2. Արփինե Հովհաննիսյանի՝ Իտալիայի Հանրապետություն (Վենետիկ) գործուղման հետ կապված ծախսերը, այդ թվում՝ գիշերավարձի ծախսերը՝ համաձայն փաստացի կատարված ծախսերը հիմնավորող փաստաթղթերի, կատարել Հայաստանի Հանրապետության 2016 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Հայաստանի Հանրապետության արդարադատության նախարարին՝ գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Իտալիայի Հանրապետություն գործուղման արդյունքների մասին հաշվետվություն»,- ասված է վարչապետ Կարեն Կարապետյանի որոշման մեջ։