«Հայկական վերածնունդ»-ը դատապարտում է լրագրողի և պատգամավորի միջև տեղի ունեցած միջադեպը

«Հայակական Վերածնունդ»-ը դատապարտում է ԱԺ-ում լրագրողի և պատգամավորի միջև տեղի ունեցած միջադեպը: ԱԺ ճեպազրույցների ժամանակ այս մասին հայտարարեց ՕԵԿ խմբակցության քարտուղար Մհեր Շահգելդյանը՝ հավելելով, որ պետք է ամեն ինչ անել, որպեսզի նման միջադեպերն այլևս չկրկնվեն:

«Բնականաբար, մեր գնահատականը դրական չէ, բայց պատգամավոր Ռուբիկ Հակոբյանն արդեն ներողություն է խնդրել: Ես ինքս աշխատել եմ երկար տարիներ ռադիոյում, և լրագրողների հետ եղել եմ գործընկեր ոչ միայն քաղաքական դաշտում, այլև մեծ ճանապարհ եմ անցել հենց լրագրողական դաշտում: Ես ոչ դրական եմ գնահատում այդպիսի միջադեպերը և համոզված եմ, որ նման բան այլևս չի կրկնվի: Այլ բան է, որ մարդիկ խոսում ու քննարկում են, քննադատում, և այստեղ կարծիքները կարող են չհամընկնել, բայց պատգամավորը ներողություն խնդրեց»,- եզրափակեց Շահգելդյանը:

Հիշեցնենք, որ ԱԺ-ում միջադեպ էր տեղի ունեցել լրագրողներից մեկի ու պատգամավոր Ռուբեն Հակոբյանի միջև, որից հետո պատգամավորը բռունցքով հարվածել էր լրագրողին: