Մահացել է Քերի Ֆիշերի մայրը՝ դերասանուհի եւ երգչուհի Դեբի Ռեյնոլդսը
Այլ
Կյանքի 85-րդ տարում մահացել է հուլիվուդյան աստղի՝ Քերի Ֆիշերի մայրը՝ ամերիկացի դերասանուհի եւ երգչուհի Դեբի Ռեյնոլդսը: Այդ մասին հայտնել է Variety հանդեսը:
Այս տեղեկատվությունը, ինչպես գրում է հրատարակությունը, հաստատել են Թոդ Ֆիշերը՝ Դեբի Ռեյնոլդսի որդին եւ Քերիի եղբայրը՝ Ֆիշերը: «Նա ցանկացավ լինել Քերիի հետ»,- հայտարարել է Ֆիշերը:
Ավելի վաղ Ռեյնոլդսը հասպիտալացվել էր սրտի տագնապով:
Նրա դուստրը՝ Քերի Ֆիշերը, որը հայտնի էր «Աստղային պատերազմներ» ֆիլմերի շարքում արքայադուստր Լեայի դերակատարմամբ, դեկտեմբերի 27-ին վախճանվել է կյանքի 61-րդ տարում: Դերասանուհին մահացել է սրտի ծանր տագնապից մի քանի օր անց, որը պատահել էր Լոնդոնից Լոս Անջելես թռչող ինքնաթիռում:
Դեբի Ռեյնոլդսը հայտնի է 1950-ական եւ 60-ական թվականների մյուզիքլներում եւ կոմեդիաներում կատարած իր աշխատանքներով: Նրա ամենահայտնի կինոաշխատանքը եղել է «Անձրեւի տակ երգողները» 1952 թվականի կինոնկարում խաղացած դերը:
Անցնող տարում Ռեյնոլդսն ստացել է Կինեմատոգրաֆիական արվեստների եւ գիտությունների ամերիկյան ակադեմիայի պատվավոր մրցանակը, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
