Լոգիստական կենտրոն՝ պրոդուկտի աճի ակնկալիքով
Հասարակություն
«Մենք փորձում ենք ստեղծել մի հարթակ, լոգիստական կենտրոն, որտեղ կփորձենք օգնել վերամշակող գյուղատնտեսական մթերումներով զբաղվող մեր կառույցներին, որպեսզի այդ ֆինանսական հոսքերը, մթերումները կազմակերպեն ավելի էֆեկտիվ, ավելի կանխատեսելի: Մենք ակնկալում ենք գյուղատնտեսական ոլորտում պրոդուկտի աճ, որպեսզի չստեղծվեն լրացուցիչ ֆինանսական ճգնաժամեր: Այդ մեխանիզմը մենք առաջարկելու ենք բիզնես կառույցներին, որևէ պարտադրանք, ադմինիստրատիվ հանձնարարական՝ այդ բիզնես կառույցներին չկա: Կարծում եմ՝ մեր առաջարկը լինելու է իրենց համար շահավետ, այդ իսկ պատճառով՝ ով համաձայնվի այդ հարթակում մասնակցություն ունենալ, իր համար կստեղծի նպաստավոր պայմաններ»,- այս մասին այսօր կառավարական նիստի օրակարգին անցնելուց առաջ ասաց Կարեն Կարապետյանը:
Վարչապետի հանձնարարականն ուղղված էր Տնտեսական զարգացման և ներդրումների նախարարին, Գյուղատնտեսության նախարարին՝ առևտրի խոշոր ցանցերում ներկայացված գյուղատնտեսական արտադրանքի վերամշակման ոլորտի հիմնական տնտեսվարողներին մեկամսյա ժամկետում հանգամանալից ներկայացնելու հումքի մթերման վճարումների կատարման համար պետական վարկավորման առաջարկվող մեխանիզմը և գրավչության առկայության դեպքում ներկայացնել առաջարկություններ՝ վարկային նոր պրոդուկտի ներդրման վերաբերյալ:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
