«Հարավ-արևմտյան տաք օդի հոսանքը ուզում է «քանդել» Արարատյան դաշտում լճացած սառը օդի շերտը». Գագիկ Սուրենյան

Հարավ-արևմտյան տաք օդի հոսանքը կարծես թե ուզում է «քանդել» Արարատյան դաշտում լճացած սառը օդի շերտը, տեսնենք՝ ուժը կպատի՞:

Այս մասին գրել է ՀՀ արտակարգ իրավիճակների նախարարության հիդրոմետ ծառայության տնօրենի տեղակալ Գագիկ Սուրենյանն իր ֆեյսբուքյան էջում։«Ժամը 13:00 դրությամբ Իջևանում և Կապանում +12, Գորիսում, Բագրատաշենում +10, Մարտունիում, Շորժայում, Գավառում 0...-1, Աշոցքում -5, Երևանում և Արարատյան դաշտում -9....-10 աստիճան է: Այս պահին Հայաստանի ամենացուրտ տարածքը Արարատյան դաշտն է»,-գրել է նա: