Այսօր մեռելոց է

«Այսօր մեռելոց է՝ ննջեցյալների հիշատակության օր:

Բոլոր եկեղեցիներում Ս. Պատարագ կմատուցվի, որի ավարտին կկատարվի հոգեհանգստյան կարգ ննջեցյալների համար: Ի՞նչ անել. պետք է գնալ եկեղեցի, մասնակցել Ս. Պատարագին, նախապես մաքուր թղթի վրա ընթեռնելի ձեռագրով գրել Ձեր ննջեցյալի անունը և հանձնել այն եկեղեցու սպասավորներին:

Ինչո՞ւ. որպեսզի պատարագիչ հոգևորականն այդ անունը հիշատակի Ս. Պատարագի ընթացքում և վերջում նաև հոգեհանգստի ժամանակ: Եվ անպայման պետք է հիշել մեկ կարևոր բան. ննջեցյալին օգնում են ոչ թե ճոխ թաղումները, գերեզմանների վրա կանգնեցված հուշակոթողները կամ արձանները, այլ՝ ԱՂՈԹՔԸ:

Սրտից բխած մի աղոթք, որում խնդրում ենք, որ Աստված մեր ննջեցյալին դատի ոչ թե Իր արդարությամբ, այլ՝ ողորմությամբ: Թող Աստված քաղցրությամբ հիշի մեր բոլոր ննջեցյալներին՝ արժանացնելով նրանց երկնային անթառամ պսակին»:

Գրառումը` Տ. Զաքարիա վարդապետ Բաղումյանի ֆեյսբուքյան էջից