Մոդրիչը կրկնեց Դադո Պրշոյի ռեկորդն ու դարձավ Խորվաթիայի լավագույն ֆուտբոլիստ

Մադրիդի «Ռեալի» ֆուտբոլիստ Լուկա Մոդրիչը ճանաչվել է Խորվաթիայի լավագույն ֆուտբոլիստ: Այս մասին տեղեկացնում է Večernji list-ը:

Խորվաթիայի հավաքականի 31-ամյա ավագը այս մրցանակին արժանանում է 5-րդ անգամ: Լավագույն ֆուտբոլիստին ընտրում են նախկին ֆուտբոլիստների հանձնաժողովը: Մոդրիչը ստացել է 110 միավոր:

45 տարվա պատմություն ունեցող մրցանակի համար սա ռեկորդի կրկնություն էր: 2004թ-ին նույնքան միավոր է վաստակել նաև Դադո Պրշոն: