Հայտնի են «Բանանցի» մրցակիցները ռուսաստանյան հավաքի ընթացքում

Երևանի «Բանանցը» հունվարի 27-ից փետրվարի 5-ն անցկացնելու է իր առաջին արտասահմանյան հավաքը, որը տեղի է ունենալու Ռուսաստանի դաշնության Նովոռոսիյսկ քաղաքին մոտ գտնվող «Футбольный мир» մարզաբազայում: Այս մասին տեղեկացնում է ակումբի պաշտոնական կայքը:

Առաջին հավաքի ընթացքում նախատեսվում է երկու ստուգողական հանդիպում: Հունվարի 28-ին «Բանանցը» կխաղա Նովոռոսիյսկի «Չերնոմորեցի» հետ, իսկ փետրվարի 4-ին՝ համանուն քաղաքի «Տամբով» թիմի հետ:

«Չերնոմորեցը» հանդես է գալիս Ռուսաստանի առաջնության երկրորդ դիվիզիոնի հարավային գոտում և 17 տուրից հետո գտնվում է չորրորդ հորիզոնականում:

«Տամբովը» ներկայացնում է Ֆուտբոլի ազգային լիգան: Թիմը 24 տուրից հետո գտնվում է 10-րդ հորիզոնականում:
Երկու հանդիպումների սկիզբն էլ Երևանի ժամանակով 16:00-ին է: