ՃՈ նախկին պետը դատապարտվեց 6 տարի ազատազրկման

Ճանապարհային ոստիկանության նախկին պետ Մարգար Օհանյանն այսօր Երևանի Կենտրոն եւ Նորք-Մարաշ վարչական շրջանների ընդհանուր իրավասության դատարանի կողմից դատապարտվել է 6 տարի ազատազրկման։ 

Հիշեցնենք, որ Մարգար Օհանյանը մեղադրվում է պաշտոնեական դիրքը չարաշահելու և պետական գույքի առանձնապես խոշոր չափերով հափշտակություն կատարելու համար։ Դատարանը Օհանյանին անմեղ է ճանաչել պաշտոնական լիազորությունները չարաշահելու հոդվածով և մեղավոր՝ յուրացման հոդվածով:

Դատարանն ապացուցված է համարել այն, որ 2009-ի հունվարից մինչև 2011-ի հուլիսն ընկած ժամանակահատվածում ՃՈ տրանսպորտային միջոցների շահագործման համար պետբյուջեի գումարներով Օհանյանին է հատկացվել 2. 480. 720 լիտր բենզին, որից 574.420 լիտրը վերջինս յուրացրել է՝ պետությանը հասցնելով 160 մլն դրամի վնաս։