Հայտնի են ԱԺ մշտական հանձնաժողովների նախագահները

Քիչ առաջ ԱԺ-ում քվեարկության դրվեց օրակարգային չորրորդ հարցը, այն է՝ ԱԺ մշտական հանձնաժողովների թվի, անվանումների և գործունեության ոլորտների հաստատումը:

ՀՀԿ և ԲՀԿ խբակցությունները ներկայացրեցին իրենց թեկնածուներին, որից հետո սկսվեց քվերակությունը:

Քվերակության արդյունքում Հանրապետական կուսակցության կողմից ութ հանձնաժողովի նախագահ ընտրվեցին՝

1. Առողջապահության, մայրության և մանկության հարցերով մշտական հանձնաժողովի նախագահ՝ Արա Բաբլոյան

2. Արտաքին հարաբերությունների մշտական հանձնաժողովի նախագահ՝ Արտակ Զաքարյան

3. Գիտության և կրթության, մշակույթի, երիտասարդության և սպորտի մշտական հանձնաժողովի նախագահ՝ Արտակ Դավթյան

4. Պաշտպանության, ազգային անվտանգության և ներքին գործերի մշտական հանձնաժողովի նախագահ՝ Կորյուն Նահապետյան

5. Պետական-իրավական հարցերի մշտական հանձնաժողովի նախագահ՝ Դավիթ Հարությունյան

6. Սոցիալական հարցերի մշտական հանձնաժողովի նախագահ՝ Հակոբ Հակոբյան

7. Տնտեսական հարցերի մշտական հանձնաժողովի նախագահ՝ Վարդան Այվազյան

8. Ֆինանսավարկային և բյուջետային հարցերի մշտական հանձնաժողովի նախագահ՝ Գագիկ Մինասյան

«Բարգավաճ Հայաստան» խմբակցության կողմից ներկայացված հանձնաժողովների չորս նախագահներն են՝

1. Եվրոպական ինտեգրման հարցերի մշտական հանձնաժողովի նախագահ՝ Նաիրա Զոհրաբյանը

2. Մարդու իրավունքների պաշտպանության մշտական հանձնաժողովի նախագահ՝ Էլինար Վարդանյան

3. Գյուղատնտեսական և բնապահպանական հարցերի մշտական հանձնաժողովի նախագահ՝ Սամվել Բալասանյան

4. Տարածքային կառավարման և տեղական ինքնակառավարման հարցերով մշտական հանձնաժողովի նախագահ՝ Ստեփան Մարգարյան: 

Հիշեցնենք, որ ԱԺ այսօրվա նիստը բոյկոտում են «Ժառանգություն» և ՀԱԿ խմբակցություններն, իսկ այս քվեարկությունը բոյկոտել է նաև Հայ հեղափոխական դաշնակցությունը։