Իտալացի երկրաշարժաբանները պատասխան կտան դատարանի առջև

Իտալացի երկրաշարժաբանները, որոնք մեղադրվում են 2009 թվականին հզոր երկրաշարժից տուժած Ակվիլա քաղաքի բնակիչներին «մոլորության մեջ գցելու» մեջ, առաջին անգամ դատարանում փորձել են պաշտպանվել դատարանում։ Այս մասին հաղորդում է Science պարբերականը։

Իտալիայի քաղաքացիական պաշտպանության փոխտնօրեն Բեռնարդո Դե Բեռնարդինիսը (Bernardo De Bernardinis) հայտարարել է, որ երկրաշարժից առաջ իր խոսքերը «սեյսմիկ բարենպաստության» վերաբերյալ նշանակում էին, որ տվյալները բացակայել են և՛ ուժեղ երկրաշարժի հավանականության աճի, և՛ նվազման վերաբերյալ։ Իր խոսքերով, այդ կարծիքն իր մոտ ձևավորվել է մեկ այլ մեղադրյալ Ջուլիո Սելվաջիի (Giulio Selvaggi) երկու հոդվածներից ընթերցումից և ANSA լրատվական ընկերության կողմից թողարկված երեք դիրտարկումներից հետո։

Մեկ այլ մեղադրյալ Էնցո Բոսկին (Enzo Boschi), որն այդ ժամանակ Երկրաֆիզիկայի և հրաբխաբանության ազգային ինստիտուտի ղեկավարն էր, հայտարարել է, որ սեյսմիկ ակտիվությունը դեռ չի խոսում մոտալուտ երկրաշարժի հավանականության մասին, քանի որ գիտնականներին մշտապես անհայտ է մնում կուտակված էներգիայի սպառման ծավալը, ձևը ուղղությունը։

Գործով անցնում է Լուրջ ռիսկերի գնահատման հանձնաժողովի հինգ մասնագետ, հանձնաժողովի, որը մարտի 31-ին այդ պահին նախորդող 4 ամիսներին նկատվող սեյսմիկ ակտիվության աճի վերաբերյալ մամլո ասուլիս է անցկացրել։ Դրանից մի քանի օր անց, ապրիլի 6-ին քաղաքի մերձակայքում տեղի է ունեցել 6.3 մագնիտուդով երկրաշարժ, ինչի հետևանքով տուժել է 309 մարդ։ Մեղադրող կողմը համարում է, որ մամլո ասուլիսի ընթացքում արտահայտված հայտարարությունները բնակչությանը մոլորության մեջ են գցել, ինչը մեծ քանակությամբ մարդկանց մահվան պատճառ է հանդիսացել։

Գիտնականներից շատերը վրդովված են մեղադրող կողմի հայտարարություններից և անգամ Իտալիայի նախագահ Ջորջիո Նապոլիտանոյին ուղղված նամակ են ստորագրել դատական գործընթացը կասեցնելու պահանջով։ Նրանց պնդմամն, այս պահին գոյություն չունեն երկրաշարժերի ժամանակի և տեղի կանխագուշակման վստահելի մեթոդներ։