17 տարեց կանանց սպանության մեջ մեղադրվող մոլագարը դատապարտվել է 20 տարվա ազատազրկման

ՌԴ Եկատերինբուրգ քաղաքում 17 տարեց կանանց սպանության մեջ մեղադրվող մոլագար Իրինա Գայդամաչուկը դատապարտվել է 20 տարվաազատազրկման։ Սվերդլովյան շրջանային դատարանի մամուլի ծառայությունից հայտնել են, որ պատիժը հնարավորինս ամենածանր է հանցագործ կանանց համար։

Հետաքննությամբ պարզվել է, որ 2002-2010 թվականների ընթացքում Գայդամչուկը մուտք է գործել թոշակառուների բնակարաններ՝ սպանելով վերջիններիս բութ գործիքով գլխի հարվածներով։ Հանցագործությունների մեծամասնությունը տեղի է ունեցել Կրասնոուֆիմսկ քաղաքում։ Սպանություններ են գրանցվել նաև Եկատերինբուրգում, Սերովում, Աչիտայում և Դրուժինինոյում։

Գայդամչուկը փորձել է կոծկել հանցագործությունների հետքերը՝ հրդեհներ ստեղծելով։ Սպանությունները կատարվում էին թալանի նպատակով, սակայն մի քանի դեպքերում թանկարժեք իրերը մնացել են իրենց տեղերում։

Գայդամչուկը ձերբակալվել է 2010 թվականին 1930 թվականին ծնված կնոջ սպանությունից հետո։ Հոգեբուժական փորձաքննությունը մեղադրյալին մեղսունակ է ճանաչել։

Նրա զոհերը, ապացուցված էպիզոդներիկ համաձայն եղել են 61-86 տարեկան կանայք։ Ինքը մարդասպանն այդ պահին 39 տարեկան էր։ Նա կասկածվում էր ավելի քան 22 տարեց կանանց սպանություններում։