Ապօրինաբար վաճառվել են «Հիդրոապարատ» ԲԲԸ-ին պատկանող բոլոր նյութական միջոցները և շինությունները

«Վարկած» ակումբում տեղի ունեցավ ասուլիս, որին մասնակցող «Հիդրոապարատ» ԲԲԸ բաժնետերերը պնդում են, որ ԲԲԸ-ում կատարվել ու կատարվում են առանձնապես խոշոր չափերի յուրացումներ, իսկ պետությունը զարմանալիորեն «լռում է» իր գույքային վնասների մասին:

204 բաժնետերերի կողմից լիազորված բաժնետերեր Նելլի Հակոբջանյան և Շուշան Գրիգորյանը պատմեցին, որ Հիդրոապարատ» ԲԲԸ-ն, որը մեքենաշինարարական խոշոր արտադրամաս էր, անկախացումից հետո մասնատվեց, 80% պետությունը վերապահեց իրեն՝ տալով Էներգետիկայի նախարարության «Հայկազարտ» ընկերությանը, իսկ 20% բաժնետոմսերը անհատույց բաժանվեցին մեկ տարուց ավել աշխատանքային ցենզ ունեցող աշխատողների միջև, որից հետո նախատեսված էր ներդրումներ անել, ստեղծել 260 աշխատողներ 50000 հազար դրամ աշխատավարձով, իսկ մեկ տարի հետո աշխատավարձը պետք է կազմեր 225 դոլարի համարժեք դրամ, սակայն 1998 թվականին 65% բաժնետոմսերը գնած «ԱՄՖ» ընկերությունից պարտքերի դիմաց պետությունը վերցրել է իրեն, իսկ այժմ «ԱՄՖ» ընկերությունը պահանջում է սնանկ ճանաչել «Հիդրոապարատ» ԲԲԸ-ին, ինչպես նաև պահանջում է վերադարձնել 120 միլիոն դրամը, որը վերջինս ծախսել է հաստոց գնելու համար, սակայն բաժնետերերը պնդում են, որ հաստոցներ չեն գնվել: 

Բողոքները նշեցին, որ պետության կողմից սոցիալական ներդրումներ չկատարելուց զատ կադաստրում չափագրվել են 20 շենք, որոնք իրականում հիդրավլիկ արտադրամասերի միավորներ էին և նկուղներ: Արտադրամասը դադարել է աշխատել, բոլոր շինությունները օտարվել են, իսկ 35% ունեցող բաժնետերերը ոչ մի փոխհատուցում չեն ստացել:

Բաժնետերերը բողոքում են ապօրինաբար կադաստրային չափագրումների, օտարումների ու սնանկ ճանաչելու վերաբերյալ: Ինչպես նաև հատուցում կրած վնասների համար: Փաստորեն զարմանալի է, որ ներդրում կատարելու, արտադրամասը աշխատացնելու և շահույթ ստանալու փոխարեն արտադրամասին պատկանող բոլոր նյութական միջոցները և շինությունները ապօրինաբար վաճառվել են կամ վարձակալվել առանց 35% բաժնետերերի իմացության: