Պուտինն Ալիևին խոսք է տվել

Քաղաքագետ Ստյոպա Սաֆարյանի խոսքով՝ Ռիչարդ Հոգլանդի հայտարարությունն այն թաքնված ենթատեքստը բացահայտեց, որն առկա է համանախագահների՝ այսքան տարիներ տևած քննարկումների խորքում:

Քաղաքագետի խոսքով՝ ԱՄՆ-ն այնքան միամիտ չէ, որ կարծի, թե Արցախյան հիմնահարցի լուծումը շատ մոտ է, իսկ հայկակական կողմի պաշտոնական արձագանքը քաղաքագետը որակեց զարմանլի. «ԱԳՆ-ն արձագանքեց այդ հայտարարությանը՝ շեշտելով, որ այս հայտարությունը նոր չէր, և զարմանալի է, որ Էդվարդ Նալբանդյանը հայտարարեց, որ այս տեքստում որոշակի անճշտություններ կան և տարածքային ամբողջականության հետ կապված հարցերում ԱԳՆ-ն մտցրեց իր կողմից որոշակի ուղղումներ»: 

Ստյոպա Սաֆարյանն, առանձնացնելով Հոգլանդի հայտարարության թիրախային կերերը, նշեց, որ հատկապես կարևոր է այն, որ սա տեղի ունեցավ Ալիև-Պուտին, Սերժ սարգսյան-Պուտին հանդիպումներից հետո, ինչը լրացուցիչ անգամ գալիս է ապացուցելու, որ Արցախի հակամարտության հարցում կատարվում են որոշակի գործընթացներ: 

Քաղաքագետը մտահոգիչ համարեց ԱՄՆ-ի ակտիվացումը Արցախյան կոնֆլիկտի հարցում՝ նշելով, որ այս հարցը ԱՄՆ-ն մշտապես օգտագործելու է Թուրքիայի վրա ճնշումներ գործադրելու համար:

«Մյուս կողմից՝ ակնառու է, որ Էրդողանը ցանկանում է ԵՏՄ մուտք գործել և ուժեղացնում է Պուտինի և ԵՏՄ-ի բլոկը: Սրանից բացի, պետք է հիշենք քրդական գործոնը և այս բոլորի համատեքստում Ղարաբաղյան հարցը շատ կարևոր գործիք է: Պետք է հիշենք, որ Պուտինը Ալիևին խոսք է տվել, որ Ղարաբաղի հարցը Կոսովոյի ճակատագիրը չի ունենալու, ուստի Հոգլանդի հայտարարությունը կոչ էր, որ սթափվենք և հասկանանք խնդրի վտանգավորությունը»,-նշեց Սաֆարյանը: 

Ստոյոպա Սաֆարյանը նաև հավելեց, որ արցախապատկան տարածքների հարցը պետք էր տեղափոխել սահմանային վեճերի դաշտ և ոչ թե Մադրիդյան սկզունքներով Հայաստանը պիտակավորել որպես ագրեսոր և հիմա էլ պահանջել տարածքները ետ վերադարձնել Ադրբեջանին: 

Աղավնի Սուքիասյան