ԱՄՆ-ն զինում է Ուկրաինան
ԱՄՆ
Ամերիկայի ձայն-ը գրում է. ԱՄՆ-ի պաշտպանության նախարար Ջիմ Մեթիսը հանդիպել է Ուկրաինայի նախագահ Պետրո Պորոշենկոյին Կիև կատարած այցի շրջանակում: Կիևում ԱՄՆ-ի պաշտպանության նախարարն ընդգծել է Միացյալ Նահանգների աջակցությունն Ուկրաինային և նրա զինված ուժերին: Մեթիսը նշել է, որ Վաշինգտոնը չի ճանաչում 2014 թվականի Ղրիմի բռնակցումը և լրջորեն քննարկում է Ուկրաինային մահաբեր զենքերի տրամադրման հնարավորությունը:
«Մենք օրերս հաստատել ենք 175 միլիոն դոլարի զինատեսակների և հատուկ միջոցների օգնության տրամադրում Ուկրաինային, որը պետք է օգտագործվի երկրի պաշտպանության համար: Դրանով մեր ռազմական օժանդակությունը վերջին տարիներին կհասնի 750 միլիոն դոլարի: Մենք աջակցում ենք Ձեզ և քննարկում ենք պաշտպանական մահաբեր զենքերի տրամադրման հնարավորությունը»,- ասել է պաշտպանության նախարար Մեթիսը:
Օբամայի վարչակազմը գտնում էր, որ պաշտպանական բնույթի մահաբեր զենքերի տրամադրումն Ուկրաինային կարող է հրահրել Ռուսաստանին նոր գործողությունների, սակայն Թրամփի վարչակազմը վերանայում է այս մոտեցումը:
Պաշտպանության նախարարն ընդգծել է, որ տրամադրվող զենքերը կրում են պաշտպանողական բնույթ և կարող են սպառնալ միայն զավթիչներին:
Իր հերթին նախագահ Պորոշենկոն ասել է, որ պաշտպանողական այս զինատեսակները կօգնեն Ուկրաինային հակազդելու, եթե Ռուսաստանը որոշի հարձակում գործել իր երկրի դեմ:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
