Ես ու Հենրիխը իրար հասկանում ենք. Մոուրինյու

«Մանչեսթեր Յունայթեդ»-ի գլխավոր մարզիչ Ժոզե Մոուրինյուն Անգլիայի առաջնության շրջանակներում «Լեսթեր»-ի դեմ կայանալիք խաղից առաջ խոսել է իր թիմի ֆուտբոլիստների մասին:

Մխիթարյանին անդրադառնալով մարզիչն ասել է.

«Կարծում եմ Հենրիխը հասկանում է ինձ: Եթե անկեղծ, ես էլ իրեն եմ հասկանում: Եթե մրցաշրջանի սկզբում նա ինձ ավելի լավ հասկանար, նա հաճախ կխաղար: Միևնույն ժամանակ, եթե ես իրեն լավ հասկանայի, ավելի շուտ կկարողանայի օգնել իրեն:

Նախորդ մրցաշրջանի առաջին հատվածը նա լավ անցկացրեց: Համոզված եմ՝ իր տաղանդով նա այս մրցաշրջանում ավելի լավ կխաղա»,- Մոուրինյուի խոսքը մեջբերում է  մանչեսթերյան ակումբի կայքը: