Գեորգի Կետոևը` աշխարհի առաջնության բրոնզե մեդալակիր

Փարիզում ավարտին է մոտենում ազատ ոճի ըմբշամարտի աշխարհի առաջնությունը:

Հայաստանի ներկայացուցիչ 97 կգ քաշային Գեորգի Կետոևը բրոնզե մեդալի համար ուժերը չափեց վրացի մարզիկ Էլիզբար Օդիկաձեի հետ և հաղթեց:

Մինչ այդ Կետոևը որակավորման փուլում ուժերը չափել է Ֆրանսիայի մարզիկ՝ Մաքսիմ Ռեմի Ժան Ֆրանսուայի հետ և հաղթել՝ 8:1 հաշվով, 1/8 եզրափակչում 5:0 հաշվով հաղթել է Հնդկաստանի ներկայացուցչին: Քառորդ եզրափակչում մեր մարզիկը 12:2 հաշվով հաղթել է  Ուզբեկստանը ներկայացնող Մագոմեդ Իբրագիմովին, կիսաեզրափակչում 0:2 հաշվով պարտվել՝ Աբդուլրաշիդ Սադուլաևին:

Հիշեցնենք, որ երեկ  Հայստանի հավաքականի կազմում բրոնզե մեդալ էր նվաճել նաև Լևան Բերիանիձեն: