«Նաիրիտ»-ը հրդեհվում է. նոր մանրամասներ (թարմացված)

14:30 ՀՀ արտակարգ իրավիճակների նախարարությունը հայտնում է, որ ժամը 14:00-ի սահմաններում մեկուսացվել է «Նաիրիտ» գործարանի տարածքում բռնկված հրդեհը, կրակի տարածման վտանգ չկա. այրվող նյութը վտանգ չի ներկայացնում:  Տուժածների մասին տեղեկություններ դեռևս չկան: Դեպքի վայրում է նաև Երևանի փոխոստիկանապետ Վալերի Օսիպյանը:

13:43 Այսօր հրդեհ է բռնկվել «Նաիրիտ» գործարանի հարակից տարածքում:

Տեղեկությունը ԼՈւՐԵՐ.com-ի թղթակիցի հետ զրույցում հաստատեցին Արտակարգ իրավիճակների նախարարության հասարակայնության հետ կապերի բաժնից:

«Հաղորդում ենք ստացել, որ հրդեհ է բռնկվել «Նաիրիտ» գործարանի հարակից տարածքում: Սակայն, դեռևս տեղեկություններ չունենք հրդեհը գործարանի ներսում է, թե հարակից տարածքում: Հրդեհի վայր են մեկնել ԱԻՆ մարտական հաշվարկներ, տեղում ԱԻՆ ուժերը աշխատում են»,- փոխանցեցին ԱԻՆ-ից:

Նշենք, որ այս պահին Նաիրիտ գործարանի տարածքում է գտնվում ԼՈւՐԵՐ.com-ի թղթակիցը: Վերջինիս փոխանցմամբ՝ գործարանի հարակից տարածքն ամբողջովին ծխի մեջ է և բնակիչները չեն կարողանում դուրս գալ իրենց տներից:

Սոնա Հարությունյան