«Երևան սիթի»-ի կանոնադրությունը հակասում է ՀՀ Սահմանադրությա՞նը

«Երևան Սիթի»-ի՝ Տիգրան Մեծ փողոցի վրա գտնվող սուպերմարկետի գրասենյակից Լուրեր.com-ի հետ հեռախոսազրույցում հայտնեցին, որ իրենք չեն խոչընդոտել լրագրողի աշխատանքը: «Պարզապես հարցրել են՝ ով է, ինչ է, ինչի համար է: Չեն խոչընդոտել, ուղղակի ուզել են իմանան՝ ով է»,- ասաց սուպերմարկետի ներկայացուցիչը, որը չցանկացավ ներկայանալ:

«Եթե պայմանավորվածություն լինում է կենտրոնական գրասենյակի հետ, խնդիր չկա: Օֆիսից թույլտվություն պետք է վերցնել»,- ասաց նա:

Պետք է նշել, որ ցանկացած ՀՀ քաղաքացի, Սահմանադրությամբ իրեն տրված իրավունքներով, կարող է գների դիտարկում իրականացնել ցանկացած խանութում կամ սուպերմարկետում։ Եվ եթե «Երևան Սիթի»-ի կանոնադրությամբ դա կարելի է անել թույլտվություն վերցնելու դեպքում միայն, կարելի է եզրակացնել, որ այն հակասում է ՀՀ Սահմանադրությանը։

Հիշեցնենք, որ օրերս Լուրեր.com-ի լրագրողն այցելել էր «Երևան Սիթի» սուպերմարկետ՝ գնաճի մասին նյութ գրելու նպատակով գների դիտարկում անելու համար: Աշխատակիցները մոտեցել են նրան, ու իմանալով, որ նա լրագրող է, թույլ չեն տվել շարունակել աշխատանքը: