Ոստիկանությունը «Հարսնաքարի գործի» հետ կապված իրավասություն այլևս չունի

Երեկ ժամը 5-ից գործը ուղարկել ենք, այսինքն մենք այլևս այդ գործի հետ կապված իրավասություն չունենք: Որևէ բան չեմ կարող ասել: Այս մասին Լուրեր.com-ի հետ զրույցում ասաց Ոստիկանության հասարակայնության հետ կապերի և լրատվության վարչության աշխատակից Արմեն Մալխասյանը:

Մեր այն դիտարկմանն ի պատասխան, թե հանցագործն ազատության մեջ է, Մալխասյանը ևս մեկ անգամ հորդորեց զանգահարել ՊՆ քննչական ծառայություն:

Լուրեր.com-ի հետ զրույցում ՊՆ քննչական ծառայության սպա Մերի Սարգսյանը նշեց, որ իրենք գործը դեռ չեն ստացել: «Պարզապես դատախազության միջոցով ենք մենք գործ ստանում: Իրենք ուղարկում են իրենց դատախազություն, իրենց դատախազությունը՝ զինվորական դատախազություն, զինվորական դատախազությունից հետո նոր ստանում ենք մենք», - նշեց Մերի Սարգսյանը՝ հավելելով, որ գործն ուղարկվել է երեկ և հնարավոր է՝ օրվա վերջում այն ստացվի: