«Հարսնաքար»-ի գործով կալանավորվել է 4 հոգի

«Ազատություն» ռադիոկայանի փոխանցմամբ՝ հանրապետական պատգամավոր Ռուբեն Հայրապետյանի ընտանիքին պատկանող «Հարսնաքար» ռեստորանային համալիրում հունիսի 17-ին տեղի ունեցած միջադեպի կապակցությամբ ձերբակալված յոթ անձանցից չորսը այսօր կալանավորվել են:

Կալանավորված անձանց՝ Գարիկ Մարգարյանին, ում անունը մամուլը շրջանառում է որպես զինվորական բժիշկներին հիմնական ծեծողներից մեկը, Արման Բաղդասարյանին, Դավիթ Ադամյանին և Արթուր Բաբլոյանին մեղադրանք է առաջադրվել Քրեական օրենսգրքի 112-րդ հոդվածի 2-րդ մասով, այն է՝ դիտավորությամբ առողջությանը ծանր վնաս պատճառելը երկու կամ ավելի անձանց նկատմամբ:

Հիշեցնենք, որ հունիսի 17-ին «Հարսնաքար» ռեստորանային համալիրում դաժան ծեծի էին ենթարկվել երեք զինվորական բժիշկներ, որոնցից 35-ամյա Վահե Ավետյանն արդեն 5-րդ օրն է անգիտակից վիճակում է: Բժիշկները ծայրահեղ ծանր են գնահատում նրա վիճակը:

Լուսանկարները՝ Գ․ Շամշյանի.

{gallery}harsnaqar{/gallery}