Արծվաբերդի 43-ամյա անտառապահը ծառեր է հատել. ոստիկանության բացահայտումը (տեսանյութ)

Ապրիլի 28-ին, ժամը 19.30-ին, ոստիկանության Տավուշի բաժնում տեղեկություններ էին ստացվել, որ Արծվաբերդի անտառտնտեսության մասնաճյուղի 43-ամյա անտառապահը «Մեհրաբ» կոչվող տարածքում ծառեր է ապօրինի հատում:
Նշված վայր մեկնած ոստիկանները հայտնաբերել են անտառապահի կողմից ապօրինի հատված տարբեր տեսակի և տրամագծերի 11 թաց կանգուն ծառի կոճղ, մոտ 1,5 խմ փայտանյութ, «ՈՒԱԶ» ավտոմեքենա և բենզասղոց:
Ավտոմեքենան տեղափոխվել է բաժնի պահպանվող հատուկ տարածք: Նշանակվել է մասնագիտական ստուգում: Նախապատրաստվում են նյութեր: Դեպքի մասին տեղեկացնում է ՀՀ ոստիկանությունը: