Գյումրիում հրդեհ է բռնկվել «Opel» մակնիշի ավտոմեքենայում

Մայիսի 10-ին, ժամը 13։48-ին Ճգնաժամային կառավարման ազգային կենտրոն տեղեկություն է ստացվել, որ Շիրակի մարզի Գյումրի քաղաքի «Սեմյորոչկա» սուպերմարկետի մոտակայքում այրվում է ավտոմեքենա: Այս մասին հայտնում են ԱԻՆ լրատվական ծառայությունից:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Պարզվել է, որ հրդեհը բռնկվել է Երկաթուղայինների փողոցի թիվ 51 հասցեում գտնվող «Սեմյորոչկա» գազալցակայանի մոտակայքում կայանած «Opel» մակնիշի ավտոմեքենայում։

Հրդեհը մեկուսացվել է ժամը 14:01-ին, մարվել՝ 14:11-ին: Այրվել են ավտոմեքենայի ցուցիչների վահանակը և էլեկտրական լարեր՝ մասամբ։