Իտալիայի մի շարք ակումբներ չեն ցանկանում վերսկսել մարզումները մինչև բժշկական արձանագրության փոփոխությունը․ Football Italia

Առնվազն ինը իտալական ֆուտբոլային ակումբներ հրաժարվում են վերսկսել թիմի մարզումները մինչև բժշկական արձանագրության փոփոխությունը, որը համաձայնեցված է կառավարության և Իտալիայի ֆուտբոլի ֆեդերացիայի (FIGC) միջև։ Հրապարակման համաձայն՝ ակումբները դժգոհ են այդ կանոնից, որը պարտավորեցնում է կարանտինացնել ամբողջ թիմը, եթե մեկ անձը վարակվի կորոնավիրուսով: Նրանք ցանկանում են, որ Սերիա Ա-ն հետևի գերմանական Բունդեսլիգայի օրինակին, որտեղ միայն վարակվածները պետք է ինքնամեկուսանան, մնացածը պետք է թեստ հանձնեն: Միլանի «Ինտերի» գլխավոր տնօրեն Ջուզեպպե Մարոտտան արձանագրությունը անվանել է «անիրագործելի և անիմաստ»: «Ես չեմ ուզում հակասություններ առաջացնել, բայց գործող կանոններով՝ մենք պարզապես չենք կարող անցկացնել մարզումները: Մենք խնդրում ենք, որ դրանք փոխվեն», - ասացՄարոտտան:
Հաղորդվում է, որ արձանագրությանը դեմ քվեարկած ակումբների թվում են «Ինտերը», «Նապոլին» և «Միլանը»: