«Մահակներով խփել են, տաբատս իջեցրել». Բելառուսում ազատ արձակված ցույցի մասնակիցը պատմել է, թե ինչ դժոխքի միջով է անցել (տեսանյութ)
ԱյլԲելառուսում աղջիկը, ում բերման են ենթարկել բողոքի ակցիային մասնակցելու համար, ազատ արձակվելուց հետո լրագրողների հետ զրույցում բողոքել է իրավապահ մարմինների աշխատակիցների գործողություններից, ովքեր բռնություն են գործադրել իր նկատմամբ և սպառնացել վրեժխնդիր լինել: Այս մասին հայտնում է Tut.by-ն:
«10 հատուկ ջոկատային ծեծել են ինձ: Մահակներով խփել են, վիրավորել, սպառնացել սպանել: Տաբատս իջեցրել են: Ասել, որ հերթով կբռնաբարեն»,- պատմել է նա:
Աղջիկը նշել է, որ ստիպված է եղել դիմանալ էլ ավելի մեծ վայրագությունների արդեն ոստիկանության բաժնում, որտեղ իրեն «կոնկրետ ծեծի են ենթարկել», սպառնացել 10 տարվա ազատազրկմամբ, ստիպել են ծնկի իջնել և վերաբերվում էին «կենդանու պես»:
Девушка, которую выпустили из изолятора на Окрестина, рассказывает, как с ней обращались силовики.
— TUT.BY (@tutby) August 13, 2020
«Били, оскорбляли, угрожали смертью, снимали штаны». pic.twitter.com/RpYMCYZMg7