Ամառը` Խնկո Ապոր անվան ազգային մանկական գրադարանի հետ․ 100 միջոցառում՝ ավելի քան 42 000 դիտում

Հասարակություն 31 Օգոստոս, 2020 18:19

Խնկո Ապոր անվան ազգային մանկական գրադարանը Հայաստանում COVID-19 համավարակի կանխարգելման նպատակով հայտարարված արտակարգ դրության պայմաններում «Ամառային արձակուրդները գրադարանի հետ» խորագրի ներքո ամառվա ընթացքում իրականացրել է մշակութային-կրթական առցանց 12 տարաբնույթ ծրագիր։ Գրադարանի ֆեյսբուքյան էջում արդեն իսկ հրապարակվել է շուրջ 100 առցանց հանդիպում, քննարկում ու տեսանյութ, որոնք ուղեկցվել են նաև ուսուցողական, ինտելեկտուալ, լեզվական խաղերով ու առաջադրանքներով, ուսուցողական մուլտֆիլմերի դիտումներով: Գրքի առցանց քննարկում-ֆլեշմոբերը, «Ուզում եմ իմանալ», «Աշխարհի շուրջ», «Հմուտ ձեռքեր» տեսահոլովակները, «Հետաքրքիր փաստեր շրջակա միջավայրի մասին» և այլ թեմատիկ շարքեր ապահովել են ավելի քան 50 հազար դիտում։

Գրադարանի ամառային նախաձեռնության նպատակն էր ապահովել տարբեր տարիքային խմբերի երեխաների կրթամշակութայիններգրավվածությունը մեկուսացման օրերին՝ կարևորելով վերջիններիս մշակութային կյանքին մասնակցության և մշակութայինարժեքներին հաղորդակցվելու իրավունքը: Կրթամշակութային, ուսուցողական և ճանաչողական միջոցառումները նպաստել եներեխաների հետաքրքրաշարժ ու բազմակողմանի ամառային հանգստի կազմակերպմանն ու գիտելիքների հարստացմանը:

Նշենք, որ մարտի 15-ից հետո գրադարանն անցել էր հեռավար աշխատանքների, և մինչ այդ գրադարանի սրահներում իրականացվող կրթամշակութային նախաձեռնություններն ու միջոցառումները տեղափոխվել էին առցանց հարթակ: Համացանցային տիրույթումիրականացվել են բազմաբովանդակ կրթական և մշակութային ծրագրեր` Մանկապատանեկան գրքի և երաժշտության, Ազգայինգրադարանային շաբաթները, արևմտահայ գրականությանը նվիրված միամսյակը, արաբական գրականության, Ֆրանկոֆոնիայիօրերը, մայիսյան հաղթանակներին և Երեխաների պաշտպանության միջազգային օրվան նվիրված, ինչպես նաև ընթերցանությանխթանմանը միտված ուսուցողական և ճանաչողական միջոցառումներ՝ գրադարանի կողմից պատրաստված գիտահանրամատչելիտեսանյութերով և առաջադրանքներով:

Մարտի 15-ից մինչ այսօր առցանց հարթակում հրապարակված շուրջ 800 ճանաչողական-ժամանցային նյութերը տեսել է 2 միլիոնից ավելի, հավանել` շուրջ 65 հազար 700, դրանցով կիսվել` 12 հազար 400-ից ավելի օգտատեր. հրապարակումների դիտումների թիվը գերազանցել է 570 հազարը:

Ընդգծենք, որ կատարված ախխատանքի արդյունքում ավելի քան երկու անգամ ավելացել է գրադարանի ֆեյսբուքյան էջի հետևորդների և հավանումների քանակը: Այսպես` մինչև մարտի 15-ը էջն ունեցել է 7807 հետևորդ և 7705 հավանում, իսկ արդեն օգոստոսի վերջի դրությամբ համապատասխանաբար`16480 և 15602:

Հիշեցնենք նաև, որ Խնկո Ապոր անվան ազգային մանկական գրադարանն այլևս բաց է ընթերցասեր հանրության համար, սակայն արտակարգ դրությամբ պայմանավորված՝ սահմանվել է որոշակի կանոնակարգ գրադարան այցելելու, գրադարանի ծառայություններից օգտվելու համար։