Չեխը կիսվել է «Չելսիի» պահեստային թիմում խաղալու մասին իր տպավորություններով

Լոնդոնի «Չելսիի» տեխնիկական խորհրդատու Պետր Չեխը խոստովանել է, որ ինքը նյարդայնացած է Լոնդոնի ֆուտբոլային ակումբի պահեստային թիմի խաղից առաջ: 2018/19 մրցաշրջանից հետո Չեխը ավարտեց դարպասապահի իր կարիերան: 38-ամյա Չեխը երկուշաբթի օրը խաղում էր «Չելսիի» պահեստային թիմում։ Խաղն ավարտվեց «կապտանռնագույնների» հաղթանակով՝ 3-2 հաշվով: Հոկտեմբերին լոնդոնյան ակումբը Չեխին ընդգրկեց Անգլիայի առաջնության մասնակցության հայտում: «Առաջին 20 րոպեների ընթացքում ես դժվարանում էի կատարել այն քայլերը, որոնք ես սովոր էի: Բայց խաղի տեմպին հարմարվելով` ինձ լավ զգացի», - ասել է Չեխը, մեջբերում է France Presse-ը` Sport Invest-ին հղումով: «Մի քանի ամիս քրտնաջան աշխատում էի, բայց մեկ ու կես տարի չէի խաղացել, այնպես որ, բնականաբար, նյարդայնանում էի խաղից առաջ: Խաղն ինձ վերադարձրեց հունի մեջ, և դա հենց այն է, ինչ ինձ հարկավոր է Պրեմիեր Լիգայում արտակարգ իրավիճակների դեպքում»,- ավելացրել է դարպասապահը:
Չեխը պաշտպանում էր Չելսիի գույները 2004-2015 թվականներին: «Կապտանռնագույնների» կազմում նա դարձավ Անգլիայի քառակի չեմպիոն, Ազգային գավաթի քառակի հաղթող, Չեմպիոնների լիգայի և Եվրոպա լիգայի հաղթող: