Զարուհի Փոստանջյանը հայտարարություն է տարածել

Այսօր ընկնելով իրենց շահի հետևից Հայաստան են մտել աշխարհաքաղաքական բոլոր կենտրոնները: Նրանցից ոմանք պատրաստ են մեզ քշել մեր այս մի բուռ հողից, ոմանք պատրաստ են տեսնել թե ինչպես մեզ թուրքը կկոտորի, և դա մենք տեսնում ենք ամեն օր:

Սիրելի՛ հայրենակից, քեզ խաբեցին: Քո ձեռքով Նիկոլ Փաշինյանին դրեցին ղեկավար և նետեցին թուրքի գիրկը, որ արագ-արագ իսպառ հայաթափվի մեր մի բուռ հոշոտված հայրենիքը:

 

Չարաբաստիկ 2020 թվականի նոյեմբերի 9-ից անցել է ավելի քան մեկ ամիս: Այս անցած ժամանակահատվածում կարող ենք հստակ պնդել, որ Նիկոլ Փաշինյանը գրեթե ամբողջ հայ հանրության կողմից ճանաչվել է որպես և՛ գործակալ, և՛ դավաճան:

 

Հայ հանրությունը նրան դատելու և դատապարտելու համար ցուցադրում է ընգծված դիրքորոշում:

 

Հայ հանրության ակտիվ մասը փողոցում բողոքի երթերի, հանրահավաքների և անհնազադության գործողություններ է իրականացնում: Սակայն պետք է նշենք, որ այդ գործողությունները բավարար չեն Նիկոլ Փաշինյանին ձերբակալելու և մեկուսացնելու համար:

Անհրաժեշտ է անցկացնել միաժամանակ և մի քանի օր շարունակ գործադուլներ և պահանջել ՀՀ իրավապահ մարմիններից կատարել իրենց ծառայողական պարտականությունները` Նիկոլ Փաշինյանի կողմից պետական անվտանգության դեմ ուղղված հանցագործությունների կատարման հիմքով, նրան ձեռբակալել և մեղադրանք առաջադրել:

 

Այլ կերպ Նիկոլ Փաշինյանը և նրա հովանավորները, նրա պաշտոնավարման ժամկետները կերկարացնեն, կերակարցնեն որպեսզի մենք հյուծվենք և թևաթափ լինենք։ Իսկ այդ ընթացքում ինչպես տեսնում ենք թուրքը մեծաքանակ կուտակում է հավաքել Իգդիրում: Ամեն օր ելումուտ է անում մեր գյուղերում և քաղաքներում: Առևանգում և սպանում է մեր հայրենակիցներին:

 

Մոտալուտ է լայնածավալ պատերազմի վտանգը, բոլոր հիմքերը առկա են, որ շուտով այն կթակի մեր արդի պետականության արևմտյան սահմանների դարպասները ևս: Մեր զինված ուժերը վերախմբավորման և վերակառուցման կարիք ունեն: Մեր բանակը զենքի և զինվորների համալրման կարիք ունի: Արդեն տեսանելի է, որ գլխավոր շտաբը կադրային կաթված է ապրում: Երևանի վրա «բայրաքթարների» գրոհի հետևանքով չենք բացառում, որ անիշխանության պայմաններում խուճապ կարող է լինել:

 

Արցախի հանձնումը և մեր բանակի քանդումը Նիկոլ Փաշինյանի կողմից, ապա նրան պահելը, որպես ՀՀ վարչապետ ունի հատուկ նպատակ՝ մոտ ապագայում զրկել հայերիս արդի հայկական պետականության բոլոր տարրերից:

 

Ինչպես կեղծվել են բեմադրված պատերազմի 44 օրերը, այնպես էլ այժմ ամեն ինչ կեղծվում է:

 

Հայաստանի քաղաքական գործիչները, զինվորականները և հոգևորականները պետք է ժողովրդի հետ միասին կաթվածահար անեն Նիկոլ Փաշինյանի տեղաշարժը և հասնեն նրա ձերբակալությանը:

 

Նիկոլ Փաշինյանի մեկուսացման հարցը չլուծելու և գործող կառավարությունը չլուծարելու դեպքում անհրաժեշտ է հայտարարել, որ Հայաստանի Հանրապետությունում չի գործում գործադիր իշխանություն և ստեղծվում է ժամանակավոր կառավարություն:

 

Զարուհի Փոստանջյան

«Երկիր Ծիրանի» կուսակցության նախագահ»: