Հետպատերազմյան Հայաստանի պարգևավճարները. ով և որքան է «փախցրել» բյուջեից

Թեև Հայաստանի իշխանությունները պարբերաբար խոսում են այն մասին, որ պատերազմից հետո անում են ամեն հնարավոր քայլ՝ հանրության սոցիալ-տնտեսական վիճակը մեղմելու, պատերազմից տուժածներին, տեղահանված անձանց օգնություն ցուցաբերելու նպատակով, սակայն իրականությունը փոքր-ինչ այլ է՝ հետպատերազմյան Հայաստանում իշխանությունները շարունակում են մտածել սեփական գրպանի մասին՝ չհրաժարվելով պարգևավճարների պրակտիկայից:

Պատերազմից հետո Երևանի քաղաքապետարանում ավելի քան 70 միլիոն դրամի պարգևավճար է բաժանվել: Ցուցակում տեսնում ենք, որ փոխքաղաքապետները պարգևատրվել են 1 մլն 440 հազար դրամով` բացառությամբ Գայանե Մելքոմ Մելքոմյանի, ում պարգևատրումը 722 հազար է կազմել։ Քաղաքապետի խորհրդական Կամո Արեյանը, բոլոր թաղապետերը 840 հազարական դրամով են պարգևատրվել։  2020 թ-ի ընթացքում Պետեկամուտների կոմիտեի աշխատակիցները և վարչապետի աշխատակազմը մոտ 15 մլն դոլարի պարգևավճարներ են ստացել: Պետեկամուտների կոմիտեն, համավարակի և պատերազմի պայմաններում, 6,8 մլրդ դրամի պարգևավճար է ստացել։ Վարչապետի աշխատակազմը 2020 թ-ին ստացել է 441 մլն դրամի պարգևավճար։ Ֆինանսների նախարարը, որի պահպանության տակ է երկրի ողջ գանձապետարանը, նույնպես զերծ չի մնացել պատերազմի թեժ պահին ինքն իրեն պարգևավճար գրելուց` մոտ 73 մլն դրամ: Պարգևավճար է բաժանվել նաև ԱԺ աշխատակազմին:

Այժմ ընդամենը հիշենք, թե ինչ չափի սոցիալական աջակցություն  է ցուցաբերում այդ նույն կառավարությունը՝ պատերազմի հետևանքով անտուն մնացած, ամեն ինչ կորցրած մեր հայրենակիցներին՝ միանվագ 300 հազար դրամ: Սա թերևս ամենն է, ինչ պետք է իմանալ ՀՀ իշխանությունների բարոյական նկարագրի և հայրենասիրության մասին...

Այս թեմայով ՄԱԿ է գնացել՝ հեծանվի հայտնագործության գյուտով․ Կարևորը «պոզիտիվ» մտածելն է․ Պատգամավորը՝ Փաշինյանի ելույթի մասին Շիրակի մարզի ֆերմերներն այս տարի ևս կանգնած են բերքն իրացնելու լուրջ խնդրի առաջ․ պատգամավոր Դոնբաս այցից հետո Մոսկվայում հանդիպեցինք ՌԴ պետդումայի պատգամավոր Կոնստանտին Զատուլինի հետ. Թևանյան Դոնբաս այցից հետո Մոսկվայում հանդիպեցինք ՌԴ պետդումայի պատգամավոր Կոնստանտին Զատուլինի հետ. Թևանյան Դոնբաս այցից հետո Մոսկվայում հանդիպեցինք ՌԴ պետդումայի պատգամավոր Կոնստանտին Զատուլինի հետ. Թևանյան