Սոթքի հանքը դադարեցրել է աշխատանքը. գիշերը կրակոցներ են եղել
Հասարակություն
Ադրբեջանական զինված ուժերը ամբողջ գիշեր կրակ են արձակել նաև Սոթքի հանքի ուղղությամբ։ Այս մասին ԼՈՒՐԵՐ.com-ի հետ զրույցում ասաց «Գեոպրոմայնինգ գոլդ» ընկերության ներկայացուցիչ Ռուզաննա Գրիգորյանը:
Նա նշեց, որ հանքի աշխատանքը դադարեցվել է. «150 աշխատակից, որոնք գիշերվա ժամերին հերթապահություն են իրականացնում տարհանվել են: Մեր աշխատակիցներից տուժած չկա: Տարհանվել է նաև տեխնիկան»,- նշեց նա:
Ռուզաննա Գրիգորյանի փոխանցմամբ թեև այս պահին կրակոց չկա, սակայն հանքավայրում միայն պահակային ծառայությունն է աշխատում։
Հիշեցնենք, որ հուլիսի 26-ին ևս Ադրբեջանի կողմից օկուպացված Քարվաճառի սահմանին լարված է եղել։ Անկանոն կրակոցներ էին հնչել Սոթքի հանքի տարածքում։ Լարված իրավիճակի պատճառով էլ հանքավայրի մոտ 150 աշխատակից ղեկավարության որոշմամբ լքել էր հանքի տարածքը։
Սոնա Հարությունյան
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
