Հարկեր թաքցրած նախկին պաշտոնյաներին «համաներե՞լ» են

Նիկոլ Փաշինյանը այսօր ՊԵԿ-ում տեղի ունեցած հանդիպման ժամանակ հայտարարել է, որ ՊԵԿ-ը պետք է լինի հարկ չվճարող, հարկեր թաքցնող տնտեսվարողների թշնամին և անողոք պայքարի վերջիններիս դեմ:

2018 թվականից ի վեր բազմաթիվ տնտեսվարողներ, որոնք այս կամ այն կերպ կապ ունեին նախկին պաշտոնյաների հետ հարկեր են թաքցրել, այնուհետև կամ փոխհատուցել են պետությանը հասցված վնասը, կամ՝ ոչ: Դիցուք՝ 2019թ.–ի ապրիլի 4-ի ուշ երեկոյան հայտնի դարձավ, որ «Սպայկա» ընկերության տնօրեն Դավիթ Ղազարյանի նկատմամբ քրեական գործ է հարուցվել։ Մամուլի ասուլիսում Ղազարյանը հայտարարեց, որ իրեն առաջադրված մեղադրանքը չի ընդունում ու այն համարում է անհիմն` որակելով որպես հետապնդում։Ըստ ՊԵԿ քննչական մարմնի առաջադրած մեղադրանքի, 01.01.2015-11.01.2016թթ. ընթացքում «Սպայկա» ընկերությունը թաքցրել է ՀՀ ներկրված ապրանքների դիմաց հարկային պարտավորությունները` կեղծելով «Գրինպրոդուկտ» ՍՊ ընկերության անվամբ մաքսային մարմիններին ներկայացված հարկի, տուրքի և այլ պարտադիր վճարների հաշվարկի հիմք հանդիսացող տեղեկությունները։Արդյունքում, ըստ ՊԵԿ–ի, «Սպայկան» պետական բյուջե չէր վճարել 7 036 666 312 ՀՀ դրամ մաքսատուրք և հարկ, որը վճարեց և դրանից հետո Սպայկան կարծես թե դարձել է Նիկոլ Փաշինյանը սրտի ներկրողը: Սպայկայի սեփականատերը անգամ մարդկանց էր հավաքագրում՝ Փաշինյանի ցույցերին մասնակցելու համար:

 Պետական եկամուտների կոմիտեն մեծամասշտաբ ստուգումներ է սկսել Սերժ Սարգսյանի եղբորը` Ալեքսանդր (Սաշիկ) Սարգսյանին պատկանող գազալցակայանում: Ժամանակ օրաթերթի աղբյուրների փոխանցմամբ` հարկային ստուգումների արդյունքում այստեղ աղաղակող չարաշահումներ են հայտնաբերվել՝ չկատարված և թաքցրած հարկերի տեսքով: Բացի թաքցրած հարկերից, գազալցակայանում բացահայտվել են այլ տարաբնույթ ապօրինություններ. գազալցակայանի աշխատակիցները տարիներ շարունակ տնօրինությանն են վերադարձրել քարտերին փոխանցված իրենց աշխատավարձերը: Թե ինչ ընթացք ստացան Սաշիկ Սարգսյանին պատկանող բիզնեսներում ստուգումները, և պետբյուջե ինչքան գումար վերականգնվեց բացահայտված խախտումների արդյունքում՝ պարզ չէ:

 Մհեր Սեդրակյանին և ՊԵԿ նախկին նախագահ Վարդան Հարությունյանին պատկանող գազալցակայանները նույնպես հարկեր էին թաքցրել: Մհեր Սեդրակյանի դեպքում թաքցրած հարկերը 15 մլն դրամ են:

Պետեկամուտների կոմիտեի քննչական վարչությունում հեղափոխությունից հետո վերսկսվել էին «Քեթրին Գրուպի» ու նրա հետ փոխկապակցված «Մաքսֆրուտ», «Ֆրուտ Վորլդ», «Մելատրոպիկ» ընկերություններին առնչվող քրեական գործի վարույթը: Այդ ընկերությունները, որոնց հիմնադիրը Հանրապետական կուսակցության մեծահարուստ պատգամավոր, ԴԱՀԿ ծառայությունը ութ տարի ղեկավարած Միհրան Պողոսյանն է, կասկածվում են հարկերը թաքցնելու մեջ: Միհրան Պողոսյանի հանդեպ պայքարը այնքան անողոք էր, որ վերջինս արտահերթ խորհրդարանական ընտրությունների ընթացքում նույնիսկ փորձում էր պատգամավոր ընտրվել:

Հարկեր թաքցնելու մեջ մեղադրվում էր նաև իշխանությունների սրտի օլիգարխ Սամվել Ալեքսանյանի Սիթին: Ալեքսանյանը ոչ միայն վերադարձրել է ըստ ՊԵԿ-ի` պետությանը հասցված վնասը, այլ մի բան էլ հեղափոխությունից հետո ամեն տարի հարստացնում է «Իմ քայլը» հիմնադրամի քսակը:

Գյումրու գործող քաղաքապետ Բալասանյանի ընկերությունը պետական բյուջե պակաս է վճարել շուրջ 360 միլիոն դրամ:

Ինչպես տեսնում ենք՝ հարկեր թաքցնողների հետ այս իշխանությունները կարողացել են լեզու գտնել, իսկ անողոք պայքարը ընդամենը բաժակաճառերի մակարդակում է...

Այս թեմայով Ամեն անգամ, երբ թվում է՝ ցինիզմը, այնուամենայնիվ, սահմաններ ունի, Փաշինյանը հակառակն է ապացուցում. Սուրեն Սուրենյանց Ինչու Փաշինյանը արհամարհեց Բայդենի «հրաժեշտի» ընդունելությունը․ Սուրեն Սարգսյան Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան