ՔՊ-ական նախարարների անցած ուղին. Վահան Քերոբյան

Շարունակում ենք ընթերցողի ուշադրությանը ներկայացնել Նիկոլ Փաշինյանի կաբինետի նոր և կրկին վերանշանակված անդամների անցած ուղին: Այսօր կանդրադառնանք էկոնոմիկայի նախարար Վահան Քերոբյանին:

Ահա վերջինիս կենսագրական տվյալները: 1996-1997թթ` «Արմինկո» ՍՊԸ` համակարգչային համակարգերի ինժեներ 1997-1998թթ՝ ՀՀ կառավարությանն առընթեր տեղեկատվության և գրահրատարակչության վարչություն, ցանցային տեղեկատվության բաժնի գլխավոր մասնագետ 1998թ․՝ «Հայաստան» համահայկական հիմնադրամի գործադիր վարչություն` համակարգչային բաժնի գլխավոր մասնագետ 1998-1999թթ․՝ «Տրաստբանկ» ՓԲԸ` տեխնոլոգիաների զարգացման և վերլուծության բաժնի մասնագետ 1999-2004թթ․՝ «Էյչ Էս Բի Սի բանկ Հայաստան»` առևտրավարկային վարչության մասնագետ, ավագ մասնագետ, վարիչ 2005-2006թթ․՝ «Վալլետա» ՍՊԸ` «Սթար» պրոյեկտի մենեջեր 2006-2012թթ․՝ «Սթար Դիվայդ» ՓԲԸ` գործադիր տնօրեն 2012-2020թթ․՝ «Menu Group – Menu Group UK Ltd»` հիմնադիր, տնօրեն։

Առաջին հայացքից՝ Քերոբյանը ավելի շատ ընդհանրություն ունի իր ղեկավարած ոլորտի հետ, քան մեր նախորդ նյութի հերոսուհի՝ Անահիտ Ավանեսյանը: Սակայն, դա միայն առաջին հայացքից: Իսկ ավելի խորազնին հայացքից հետո պարզ  է դառնում, որ Քերոբյանը որպես էկոնոմիկայի նախարար ավելի քիչ գիտելիք ունի տնտեսագիտությունից, քան օրինակ՝ Անանիա Շիրակացի կրթահամալիրի սանը, որի հարցերին Քերոբյանը պարզապես չի կարողացել պատասխանել: Նա այնքան լավ է տիրապետում ոլորտին, որ գյուղացիներին հորդորում է չզբաղվել վար ու ցանք անելով, այլ սովորել ծրագրավորում, դեռ մի բան էլ հպարտորեն հայտարարում է, որ անելու է ամեն բան, որպեսզի գյուղացին գյուղատնտեսությամբ չզբաղվի: Քերոբյանի մոտ ներդրումները հորդում և հոսում են, սակայն, դեռևս միայն ֆեյսբուքյան գրառումների մակարդակում: Տնտեսությունն էլ, ըստ իր, առաջ է գնում, սակայն, այս հարցում Քերոբյանի հետ համակարծիք չէ համաշխարհային բանկը և վերջինիս վերլուծաբանները: ի դեպ, Քերոբյանը խոստացել է հրաժարական տալ, եթե տարվա վերջում երկնիշ տնտեսական աճ չգրանցվի, դատելով տնտեսության ակտիվացման տեմպերից՝ շուտով էկոնոմիկայի նոր նախարար է ունենալու, իսկ թե ում ուսերին կծանրանա Քերոբյանի տապալած ոլորտը՝ ժամանակը ցույց կտա: Դե իսկ նախարարի գլուխգործոցը անշուշտ՝ տուրիզմի 319 տոկոս աճի խոստումն է, որը զարմացրել է անգամ տուրիզմի ոլորտի չափից դուրս լավատես տնտեսվարողներին: Սակայն, եթե Քերոբյանը նկատի ուներ պատվաստման նպատակով Հայաստան մեկ օրով ժամանող Իրանի և Հնդկաստանի քաղաքացիներին, ինչպես նաև շուրջ երեք ամիս ՀՀ սուվերեն տարածքում ծվարած ադրբեջանցի ահաբեկիչներին, ապա ինչ խոսք, 319 տոկոս աճը ավելի քան ռեալ է...

Այս թեմայով Պետքարտուղար Բլինկենն ու Թուրքիայի ԱԳ նախարար Հաքան Ֆիդանը հանդիպում են ունեցել Արարատ Միրզոյանը հանդիպել է Ֆրանսիայի նորանշանակ նախարար Ժան-Նոել Բարոյին Արդարադատության նախարարը նախազգուշացում է տվել Վահագն Դավթյանին Կիպրոսի պաշտպանության նախարարը ժամանել է Հայաստան Արարատ Միրզոյանը հանդիպում է ունեցել Ալժիրի ԱԳ նախարար Ահմեդ Ատտաֆի հետ. մանրամասներ