Սուրեն Պապիկյանի թիմը՝ ընդդեմ սորոսականների. ՔՊ «թևերի» միջև պայքարը սրվում է

Իշխանության ներսում բավականին լուրջ հակասություններ են սկսվել, որոնք կարող են ուշագրավ զարգացումներ ունենալ: Հակասությունների հիմքում՝ իշխանության ազգային, ավանդական արժեքներ կրող «թևի» պայքարն է սորոսական «թևի» ներկայացուցիչների դեմ:

Ընթացող թեժ պայքարի մասին են վկայում իշխանության ներսում տեղի ունեցող վերադասավորումները, մասնավորապես՝ Սուրեն Պապիկյանի՝ փոխվարչապետ նշանակվելու հանգամանքը: Բանն այն է, որ ազգային «թևի» հետևում հենց Պապիկյանն է, ով հայտնի է որպես ընդգծված հակասորոսական պաշտոնյա և վերջինս իր թիմով հանդերձ ձգտում է հնարավորինս մեկուսացնել սորոսականներին՝ զրկելով նրանց ազդեցության լծակներից: Ընդ որում, այդ գործընթացը սկսել էր դեռ երկու տարի առաջ՝ ՔՊ վարչության ընտրությունների ժամանակ, երբ Պապիկյանը ընտրվեց վարչության նախագահ, իսկ մի շարք կարկառուն սորոսականներ դուրս մնացին կուսակցության ղեկավար կազմից: Այն ժամանակ մամուլը Պապիկյանի ընտրվելը անվանեց «լուրջ ահազանգ սորոսականների համար»:

Ուշագրավ է, որ խորհրդարանական ընտրություններից հետո Պապիկյանը զբաղեցրեց Տիգրան Ավինյանի պաշտոնը, ով համարվում էր կարկառուն արևմտամետ գործիչ և աչքի էր ընկել նաև սորոսական ՀԿ-ին մի շարք  արտոնություններ շնորհելով: Եվս մեկ կարկառուն սորոսական պաշտոնյա՝ Արմեն Գրիգորյանը այդպես էլ չստացավ ԱԳՆ նախարարի պաշտոնը, թեև կարճ ժամանակով նշանակվել էր նախարարի տեղակալ: Ինչպես երևում է՝  իշխանության վերին էշելոններում Գրիգորյանի նշանակման մասով կոնսենսուս այդպես էլ չձևավորվեց, արդյունքում վերջինս ստիպված էր վերադառնալ Անվտանգության խորհուրդ:

Պապիկյանի միջնորդությամբ են պաշտոնների նշանակվել այսպես կոչված ազգային «թևի» մաս կազմող մի շարք պաշտոնյաներ՝ ՏԿԵՆ նախարար Գնել Սանոսյանը, ով մինչ այս Գեղարքունիքի մարզպետն էր, Աշխատանքի և սոցիալական ապահովության նախարար Նարեկ Մկրտչյանը, ով մինչ այս նախարարի առաջին տեղակալն էր: Փաստացի տեղի է ունենում լուրջ վերադասավորում՝ սորոսական կադրերը փոխարինվում են ազգային ավանդական արժեքներ դավանող պաշտոնյաներով:

Սորոսականները զիջեցին դիրքերը նաև իրենց համար անչափ կարևոր ՝ արդարադատության ոլորտում, այստեղ Ռուստամ Բադասյան-Աննա Վարդապետյան զույգը ևս պարտվեց, Բադասյանը հեռացավ ՊԵԿ, իսկ վարչապետի խորհրդական Վարդապետյանը կարծես թե չունի նախկին ազդեցության լծակները և ինքնուրույն որոշումներ կայացնելու քարտ-բլանշը:

Սա գալիս է ապացուցելու, որ փորձ է արվում սորոսականներին դուրս թողնել դատական և կոռուպցիայի դեմ պայքարի ոլորտներից. մինչդեռ հենց այս ոլորտն էր համարվում Սորոսականների համար ամենաառանցքայինը և նրանք չէին թաքցնում, որ ցանկանում են գործուն ազդեցություն ունենալ՝ ընտրական և քրեական օրենսգրքերի բարեփոխման պրոցեսում:

Չնայած այս համառ պայքարի՝ սորոսականները շարունակում են լծակների տիրապետել գործադիրում և ԱԺ-ում: Նրանց դիրքերը ամուր են մասնավորապես՝ ԿԳՄՍ, առողջապահության և սոցապ նախարարություններում: Վերջին օրերին աշխատանքի և սոցիալական հարցերի նախարարի տեղակալ նշանակվեց սորոսական՝ Սոցիոսկոպ ՀԿ-ի տնօրեն Աննա Ժամկոչյանը: Նրա հիմնադրած ՀԿ-ն ֆինանսավորել են Հայաստանում ԱՄՆ դեսպանատունը, «Բաց հասարակության հիմնադրամներ-Հայաստան» գրասենյակը, Գյուլբենկյան հիմնադրամը, NED-ը, Norwegian Helsinki Committee-ն:  Իր հերթին ԱԺ-ում հանգրվանել են այնպիսի կարկառուն սորոսականներ, ինչպիսիք են Զարուհի Բաթոյանը, Արսեն Թորոսյանը, Սոս Ավետիսյանը, Նազելի Բաղդասարյանը, Անուշ Բեղլոյանը, Մարիա Կարապետյանը, Հերիքնազ Տիգրանյանը, Թագուհի Ղազարյանը, Արեն Մկրտչյանը, էդուարդ Աղաջանյանը:

Գիտակցելով սեփական դիրքերի թուլացումը սորոսականները պատասխան քայլերի են դիմում՝ վերջին շաբաթներին ակտիվ քննադատելով իշխանությունների վարած քաղաքականությունը: Այս նպատակով սորոսական ՀԿ-ը գործի են դրել իրենց ողջ արսենալը՝ մեդիայից մինչև «թմբիրից» արթնացած իրավապաշտպաններ: Ընդ որում քննադատության թիրախում ոչ միայն Նիկոլ Փաշինյանն է, այլև հենց Սուրեն Պապիկյանը: Սորոսական մեդիան ակտիվորեն տարածում էր ՝ Պապիկյանին կոռուպցիայի մեջ մեղադրող հոդվածներ, նույնիսկ կապում նրան Գարեգին Բ-ի դեմ կազմակերպված ցույցերի հետ: Ի պատասխան այդ հրապարակումների Պապիկյանը դատական մի շարք հայցերով հանդես եկավ:

Թե ինչով կավարտվի իշխանության ներսում այս երկու թևերի թեժ, սակայն, միևնույն ժամանակ լուռ ծավալվող պայքարը՝ ցույց կտա ժամանակը: Մի բան արդեն իսկ պարզ է, փոխվարչապետ Սուրեն Պապիկյանի թիմը բավական լուրջ է տրամադրված՝ սորոսականների թևը «կտրելու» հարցում, սակայն, վերջիններս էլ չեն պատրաստվում հեշտությամբ վայր դնել զենքերը:

Այս թեմայով Անկախությունը գոյության կռիվ էր, ու նրա ամենաթանկ զավակը՝ բանակը, դարձավ պետության ինքնիշխանության երաշխավորը. Պապիկյան Անկախությունը գոյության կռիվ էր, ու նրա ամենաթանկ զավակը՝ բանակը, դարձավ պետության ինքնիշխանության երաշխավորը. Պապիկյան Անկախությունը գոյության կռիվ էր, ու նրա ամենաթանկ զավակը՝ բանակը, դարձավ պետության ինքնիշխանության երաշխավորը. Պապիկյան Խաչիկում հանդիպել եմ բնակարանային ապահովման պետական ծրագրի շահառուներին և շինարարներին. Պապիկյան Խաղաղություն և անհոգ մանկություն աշխարի բոլոր մանուկներին․ Սուրեն Պապիկյան