Ստոլտենբերգը հերքել է դեպի արևելք ՆԱՏՕ-ի ընդլայնման մասին Պուտինի խոսքերը
Աշխարհ
ՆԱՏՕ-ն դեպի արևելք չընդլայնվելու խոստումներ երբեք չի տվել, ասել է ՆԱՏՕ-ի գլխավոր քարտուղար Յենս Ստոլտենբերգը dpa-ին։ Այսպիսով, նա հերքել է ՌԴ նախագահ Վլադիմիր Պուտինի մեղադրանքները, թե ՆԱՏՕ-ն «քցել է» Մոսկվային, հայտնում է «Եվրոպեյսկայա պրավդան»։
Ստոլտենբերգի խոսքով՝ Հյուսիսատլանտյան դաշինքի հիմնադիր պայմանագրում նշված է, որ կազմակերպության անդամ կարող է դառնալ ցանկացած երկիր։ «Երկրորդը, կան փաստաթղթեր 70-90-ականների վերաբերյալ՝ Հելսինկիի եզրափակիչ ակտը, Փարիզի խարտիան, Ռուսաստան-ՆԱՏՕ հիմնադիր ակտը և շատ այլ պայմանագրեր, որոնք հստակեցնում են, որ երկրներն իրավունք ունեն ընտրելու իրենց ուղին»,- հավելել է նա՝ այն անվանելով եվրոպական անվտանգության հիմնարար սկզբունք։
ՆԱՏՕ-ի ղեկավարը նաեւ նշել է, որ դաշնակիցները կտրականապես հերքում են նման խոստումները։ «Նախկին նախագահ [Խորհրդային Միության] Գորբաչովն ասել է, որ ՆԱՏՕ-ի ընդլայնման թեման չի բարձրացվել մինչև Գերմանիայի վերամիավորումը»,- եզրափակել է Ստոլտենբերգը։
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
